Media-futbol: O'zbekiston terma jamoasi emocional bahsda Peruni engib, Kings League chorak finaliga yo'l oldi
Shu kunlarda Italiyaning Milan shahrida media-futbol bo'yicha Kings League-2025 Jahon kubogi o'tkazilmoqda.
Ahamiyatlisi, unda ishtirok etayotgan O'zbekiston termasi bugun musobaqa chorak finali yo'llanmasini qo'lga kiritdi.
Mamlakatdagi taniqli "Unwanted boys" media jamoasi asosidan tashkil topgan klub bugun Peruga qarshi kechgan bahsda 5:4 hisobida g'alaba qozondi.
Bu g'alaba orqali chorak finalga yo'l olgan vakillarimizning navbatdagi raqibi Kolumbiya bo'ladi. O'yin 8 yanvar kuni o'tkaziladi.
Jamoa safida professional futbolchi, U-20 yosh toifasidagi Osiyo chempioni SHahriyor Jabborov ham mavjud.
Malumot uchun, O'zbekiston media-futbol jamoasi musobaqa doirasida dastlab Saudiya Arabistonini mag'lub qildi, shundan so'ng, AQSHga imkoniyat boy berildi.
.jpg "X factor uzbekistan")
.png "YouTube UZREPORT TV")
