Messi kuchli beshlik chempionatlari klublarida gol urish bo'yicha Ronalduning rekordini yangiladi
Yana 3 ta goldan so'ng u gollari sonini 700 taga yetkazib oladi
Fransiyaning PSJ klubi hujumchisi Lionel Messi portugaliyalik Krishtianu Ronalduning rekordini yangiladi.
Argentinalik forvard kecha Fransiya chempionati doirasidagi “Monpelye”ga qarshi uchrashuvda (3:1) raqib darvozasini ishg'ol qilishga muvaffaq bo'ldi. Bu uning Yevropa kuchli beshlik chempionatlari klublari safidagi 697-goli bo'ldi. Ushbu gollarning 672 tasini u “Barselona” safida, 25 tasini esa PSJ tarkibida urgan. Bu ko'rsatkichga erishish uchun unga 835 ta uchrashuv yetarli bo'ldi.
Ronaldu esa kuchli beshlik chempionatlarida 696 ta gol urgan. Gollarning 145 tasi “Manchester Yunayted”da, 450 tasi “Real Madrid”da hamda 101 tasi “Yuventus”da urilgan. Bundan tashqari, Ronaldu “Sporting”da ham 5 ta gol urgan, biroq bu statistikaga qo'shilmagan. Sababi, Portugaliya chempionati top-5 chempionatlar ichiga kirmaydi.
Ma’lumot uchun, Ronaldu top-5 chempionatlarning o'zida gol urish bo'yicha hamon Messidan oldinda: 495-489. Yana 6 ta gol orqali Messi bu borada ham Ronalduga yetib oladi.
.jpg "X factor uzbekistan")
.png "YouTube UZREPORT TV")
