Huawei 1
"Oltin to‘p"ni yuta olmagan Vinisius Junior “Real”dan ketmoqchi

"Oltin to‘p" sovrinini qo‘lga kirita olmagach, “Real” futbolchisi Vinisius Junior va uning atrofidagilar Madridni tark etish haqida jiddiy o‘ylashni boshlagan.

Maʼlumotlarga qaraganda, Vinisiusning atrofidagilar klubdan ketish uchun bir nechta sabab keltirishmoqda.

Birinchidan, Ispaniya chempionatida to‘p teparkan braziliyalik muntazam ravishda irqchilik muammolariga duch kelmoqda va o‘zini yetarlicha himoyalanmagandek sezmoqda. Vinisiusga ayniqsa hakamlar baʼzan haqorat qilayotganlarni emas, bunday holatga ehtiros bilan reaksiya bildirgan Juniorning o‘zini jazolashayotgani yoqmayapti.

Ikkinchidan, hujumchiga yaqin insonlar futbolchining shaxsiy brendi muhimligiga eʼtibor qaratishgan. “Real”da Vinisius boshqa yulduzlar, misol uchun Kilian Mbappe yoki Jud Bellingem tufayli yaqqol ajralib turishi qiyin. Bundan tashqari futbolchi "Oltin to‘p" — 2024 sovrinini ovozlarning maʼlum qismi “Real”ning boshqa futbolchilariga berilgani tufayli yuta olmadim, deb hisoblamoqda.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 110706 | Инструменты