Baxtiyor Sayfullayev Madaniyat vaziri lavozimiga tayinlandi
24 fevral kuni Alisher Navoiy nomidagi davlat akademik katta teatri direktori Mahmud Murodov O‘zbekiston Respublikasi Madaniyat vaziri etib tayinlangan edi. 9 avgust kuni Shavkat Mirziyoyev boshchiligida bo‘lib o‘tgan videoselektor yig‘ilishida uning o‘rniga Baxtiyor Sayfullayev tayinlandi.
Baxtiyor Sayfullayev 2005-2012 yillarda O‘zbekiston Respublikasi Madaniyat va sport ishlari vazirining Madaniyat ishlari bo‘yicha birinchi o‘rinbosari lavozimida ishlagan edi.
U professor ilmiy darajasi, O‘zbekiston Respublikasida xizmat ko‘rsatgan madaniyat xodimi, Qoraqalpog‘iston Respublikasi san’at arbobi unvonlari bilan mukofotlangan.
O‘zbekiston Respublikasi Prezidenti Shavkat Mirziyoyevning “O‘zbekiston davlat konservatoriyasi faoliyatini yanada rivojlantirish va takomillashtirish chora-tadbirlari to‘g‘risida”gi qaroriga ko‘ra, Baxtiyor Sayfullayev bir vaqtning o‘zida Madaniyat vaziri va O‘zbekiston davlat konservatoriyasi rektori lavozimida faoliyat olib boradi.
.jpg "X factor uzbekistan")
.png "YouTube UZREPORT TV")
