Samarqandda 5-mayda Markaziy Osiyo va Ko‘rfaz davlatlari sammiti bo‘lib o‘tadi
O‘zbekiston tashqi ishlar vaziri Baxtiyor Saidov “Markaziy Osiyo – Ko‘rfaz arab davlatlari hamkorlik kengashi” Strategik muloqoti tashqi ishlar vazirlarining uchinchi uchrashuvida ishtirok etdi.
"Kuvaytda hamkasblarim bilan birgalikda “Markaziy Osiyo – Ko‘rfaz arab davlatlari hamkorlik kengashi” Strategik muloqoti tashqi ishlar vazirlarining uchinchi uchrashuvida ishtirok etdik.
Iliq mehmondo‘stlik uchun Kuvayt tashqi ishlar vaziri Abdulloh Ali al-Yahyo janoblariga samimiy minnatdorligimizni bildiramiz.
Bugun biz tobora rivojlanib borayotgan hamkorligimizni keyingi bosqichga olib chiqishning samarali usullarini va kun tartibimizdagi dolzarb mavzularni muhokama qildik.
5-may kuni Samarqand shahrida bo‘lib o‘tadigan Sammit mintaqalarimiz o‘rtasidagi aloqalarni chuqurlashtirishda muhim bosqich bo‘lib xizmat qiladi.
Mushtarak qadriyatlar, strategik salohiyat va yakdil yondashuvlar bilan Markaziy Osiyo va Ko‘rfaz davlatlari hamkorlikda yangi sahifa yaratmoqdamiz", deya yozgan O'zbekiston TIV rahbari o'z rasmiy sahifasida.
.png "YouTube UZREPORT TV")
