Shavkat Mirziyoyev Qozog‘iston prezidenti bilan telefon orqali muloqot qildi
Shavkat Mirziyoyev Qozog‘iston prezidenti bilan telefon orqali muloqot qildi
O‘zbekiston Respublikasi Prezidenti Shavkat Mirziyoyev va Qozog‘iston Respublikasi Prezidenti Qasim-Jomart Toqayev o‘rtasida telefon orqali muloqot bo‘lib o‘tdi. Bu haqda Prezident matbuot xizmati xabar berdi.
Suhbatda davlat rahbarlari Qozog‘istondagi vaziyatning rivojlanishi, respublikadagi holatni barqarorlashtirish, tez fursatda tinchlik va osoyishtalikni qayta tiklash borasida ko‘rilayotgan chora-tadbirlar yuzasidan fikr almashdilar.
O‘zbekiston yetakchisi Qozog‘istonning birodar xalqi va rahbariyatini ularning mamlakat barqarorligi va farovonligini ta’minlash yo‘lidagi sa’y-harakatlarida doimo qo‘llab-quvvatlashini yana bir bor tasdiqladi.
Avvalroq, O‘zbekiston Tashqi ishlar vazirligi Qozog‘istondagi voqealar yuzasidan bergan bayonotida mamlakatning dono xalqi beqarorlik avj olishining oldini olishga, zo‘ravonlik va insonlar orasida qurbonlar yuzaga kelishiga yo‘l qo‘ymasligiga ishonch bildirgan edi.
.jpg "X factor uzbekistan")
.png "YouTube UZREPORT TV")
