Shavkat Mirziyoyev Qozog‘istonda samolyot halokatga uchragani munosabati bilan Ilhom Aliyev va Vladimir Putinga hamdardlik yo‘lladi
Prezident Shavkat Mirziyoyev Ozarbayjon prezidenti Ilhom Aliyev va Rossiya prezidenti Vladimir Putinga Qozog‘istonning Aqtou shahri yaqinida "Ozarbayjon havo yo‘llari"ning yo‘lovchi samolyoti halokatga uchragani oqibatida ko‘plab odamlar qurbon bo‘lgani munosabati bilan hamdardlik yo‘lladi.
Davlat rahbari barcha jarohat olganlar tez fursatda sog‘ayib ketishlarini tiladi.
Eslatib o'tamiz, 25-dekabr kuni Embraer 190 yo‘lovchi samolyoti Qozog‘iston g‘arbidagi Aqtau shahri yaqinida halokatga uchradi. Orda.kz ma’lumotiga ko‘ra, samolyot Aqtou aeroporti hududiga qulagan. Samolyoti bortida 69 kishi bo‘lgani, ulardan 5 nafari ekipaj a’zolari ekani ma’lum bo‘ldi. Qozog’iston FVV aviahalokat oqibatida omon qolganlar soni 28 kishiga yetganini ma’lum qildi.
.jpg "X factor uzbekistan")
.png "YouTube UZREPORT TV")
