O‘zbekiston Respublikasi Oliy Majlisi Qonunchilik palatasi, Xalq deputatlari viloyat, shahar va tuman Kengashlari deputatligiga nomzodlarga ovoz berish jarayoni Sirdaryo viloyatining barcha shahar va tumanlar hududida joylashgan 322 ta saylov uchastkalarida Markaziy saylov komissiyasi tomonidan belgilanganidek soat sakkizda boshlandi.
Sirdaryo viloyati hokimi Akmaljon Mahmudaliyev viloyatda birinchilardan bo‘lib Guliston shahridagi Halima Xudoyberdiyeva nomidagi ijod maktabida joylashgan 15- saylov uchastkasiga tashrif buyurib, konstitutsiyaviy huquqlaridan foydalangan holda o‘zi tanlagan nomzodlar uchun ovoz berdi.
Shundan so‘ng, viloyat hokimi saylov uchastkasida nuroniylar, ilk marta ovoz berayotgan yoshlar bilan bugun o‘tkazilayotgan saylovlar haqida suhbatlashdi.
Alpha version: 0.9.1.19 build 102714 | Инструменты