12-mart kuni O‘zbekistonda sodir bo‘lgan eng muhim voqealar dayjesti

O‘zbekistonda har-bir maktabning 9-sinfidan boshlab bittadan “Yosh gvardiyachilar” vatanparvarlik sinflari tashkil etiladi

Shuningdek, maktablarda o‘quvchi va o‘qituvchilarni xavfsizligini taʼminlash borasida hozirda qorovullarning yangi ish tizimi joriy qilindi.

Sirdaryo o'zanida noruda materiallarni qazib olishga muddatsiz moratoriy joriy qilinadi

Shuningdek, noqonuniy qazib olish ishlari natijasida tabiatga yetkazilgan zarar uchun javobgarlik kuchaytiriladi.

“Bir million dasturchi” loyihasi doirasida budjet mablag‘lari talon-toroj qilinganligi bo'yicha jinoyat ishi qo'zg'atildi

Holat yuzasidan dastlabki tergov harakatlari olib borilmoqda.

Din ishlari bo‘yicha qo‘mita murojaat bilan chiqdi

Din ishlari bo‘yicha qo‘mita fuqarolardan dinshunoslik ekspertizasidan ijobiy xulosa olinmagan hamda shubhali diniy mazmundagi mediamahsulotlarni yuklab olmaslik va tarqatmaslikni so‘ramoqda.

Andijonda maktab yonidagi oshxonada yong'in sodir bo'ldi

Yong‘in oqibatida tan jarohati olgan va halok bo‘lganlar yo‘q.

“Uzbekistan Airways” bir nechta mahalliy yo‘nalishlarga qo‘shimcha aviaqatnovlarni yo‘lga qo‘ymoqda

Navro‘z bayrami munosabati bilan bir nechta mahalliy yo‘nalishlarga qo‘shimcha aviaqatnovlar joriy etildi.

Ayrim talaba-oʻquvchilar uchun toʻlov-kontrakt toʻlash muddati 10-aprelga qadar uzaytirildi

2023/2024-oʻquv yilida oliy va professional taʼlim muassasalarining ayrim talaba-oʻquvchilariga bazaviy/tabaqalashtirilgan toʻlov-kontraktning bir yillik oʻqitish qiymatidan kamida 50 foizi miqdoridagi toʻlovlarni amalga oshirish hamda talabalar safiga qabul qilishni rasmiylashtirishning soʻnggi muddati 10-apreliga qadar etib belgilandi.

Senat raisi BMT Ayollar holati bo‘yicha komissiyasining sessiyasida ishtirok etmoqda

Senat raisi Tanzila Narbayeva boshchiligidagi O‘zbekiston delegatsiyasi Nyu-York shahrida BMT Ayollar holati bo‘yicha komissiyasining 68-sessiyasida ishtirok etmoqda.

Toshkent viloyatida 31 yoshli erkakni poyezd urib yubordi

Hozirda ushbu holat yuzasidan Toshkent transport prokuraturasi tomonidan tergov ishlari olib borilmoqda.

"Madaniyat vazirligi har bir noto‘g‘ri gapirganda, qaytaradigan bog‘cha opa emas" – Ozodbek Nazarbekov ayrim san’atkorlarning xurmacha qiliqlari haqida gapirdi

Nazarbekov chora ko‘rish nuqtai nazaridan aytganda, ikkinchi tomon ham aks-sado berishini urg‘uladi. Uning aytishicha, ko‘p hollarda ikkinchi tomon vaziyatga liberal qarab, qandaydir chora ko‘rilishiga norozi bo‘ladi.

Prezident tadbirkorlar faoliyatini kengaytirish va eksportga jalb etish bo‘yicha takliflar taqdimoti bilan tanishdi

Qayd etilishicha, “O‘zbekekspertiza” aksiyadorlik jamiyatining boshqaruvi hamda Savdo-sanoat palatasi bilan aloqalari kuchaytiriladi. Barcha tumanda Tadbirkorlarni qo‘llab-quvvatlash loyiha ofislari ish boshlaydi.

O‘zbekiston va Tojikiston o‘rtasida savdo-iqtisodiy hamkorlik bo‘yicha hukumatlararo komissiyaning yig‘ilishi bo‘lib o‘tdi

Yig'ilishda O'zbekistonni Tojikiston bilan tovar ayirboshlash hajmini kelgusida 1 milliard dollarga yetkazish qayd etildi.

O‘zbekiston oltin-valyuta zaxiralari ikki oyda $2 mlrddan ortiqqa kamaydi

1-mart holatiga mamlakat zaxiralari dastlabki ikki oyda $2,37 mlrdga kamayib, $32,2 mlrdni tashkil etdi.

Termiz va Sochi shaharlari o‘rtasida 1-apreldan boshlab aviareyslar yo‘lga qo‘yiladi

Aviareyslar haftaning dushanba kunlari “Termiz-Sochi” va “Sochi-Termiz” yo‘nalishida amalga oshiriladi.