17-iyun kuni O‘zbekistonda sodir bo‘lgan muhim voqealar dayjesti

Ukrainadan kelgan bolalar O‘zbekistonda dam olish va reabilitatsiyani yakunlamoqda

Toshkent viloyati Bo‘stonliq tumanidagi “Anor” oromgohida ukrainalik bolalar O‘zbekistonda tashkil etilgan dam olish va reabilitatsiya dasturini yakunlamoqda.

Jazirama hafta: Issiq havoda qanday tavsiyalarga amal qilish kerak?

“O‘zgidromet” maʼlumotlariga ko‘ra, ushbu hafta boshidan O‘zbekiston hududiga janubdan juda issiq havo oqimlari kirib kelishi kuchayadi. Jumladan, 16-17 iyunda Qoraqalpog‘iston Respublikasi, Xorazm viloyatida, 17-19 iyunda O‘zbekistonning qolgan hududlarida havo harorati kunduz kunlari 40-42 darajagacha, janubda va cho‘l hududlarda, baʼzi joylarda 43-44 darajagacha ko‘tariladi. Xo‘sh, bunday ob-havo sharoitida qanday tavsiyalarga amal qilishi lozim?

Ilhom Haydarov O‘zbekistonning Turkiyadagi elchisi etib tayinlandi

O‘zbekistonning yangi tayinlangan elchisi Ilhom Haydarov Turkiya Tashqi ishlar vazirligi Protokol Bosh boshqarmasi boshlig‘i, elchi Ahmet Jemil Mirog‘luga ishonch yorliqlari nusxalarini topshirdi.

Yo‘l qoidabuzarligi haqidagi “xat”lar bir oydan kechiksa, uni bekor qilish taklif qilinyapti

Mazkur hujjat loyihasi bilan, jumladan, yo‘l chiziqlarini bosib qoidabuzarlik sodir etish holatlari foto-video moslamalarda qayd etilmasligi belgilab qo‘yilmoqda.

O‘ziga kredit ajratilishini taqiqlash imkoniyati paydo bo‘ldi

6-iyundan boshlab jismoniy shaxslar uchun o‘z maʼlumotlarini kredit bitimi tuzishi taqiqlangan shaxslar reyestriga kiritish xizmati ishga tushdi.

O‘zbekiston va Xitoy yetakchilari ko‘p qirrali munosabatlarni yanada kengaytirish masalalarini muhokama qildi

Yetakchilar huzurida O‘zbekistonning JSTga a’zo bo‘lishi bo‘yicha ikki tomonlama muzokaralar yakunlangani to‘g‘risida bayonnoma imzolangani e’lon qilindi.

Mehnat muhojirlarining jasadlarini Vatanga qaytarish davlat hisobidan bo‘lishi mumkin

Unga ko‘ra, mazkur xarajatlar Vazirlar Mahkamasi huzuridagi Migratsiya agentligining Migratsiya jamg‘armasi mablag‘lari hisobidan qonunchilikda belgilangan tartibda moliyalashtirilishi taklif etilmoqda.

“Andijon do‘ppisi” geografik ko‘rsatkich sifatida davlat ro‘yxatidan o‘tkazildi

Adliya vazirligi tomonidan “Andijon do‘ppisi” geografik ko‘rsatkich sifatida davlat ro‘yxatidan o‘tkazildi. Mazkur bosh kiyim o‘zining yuqori sifatli matolari, nozik naqshlari, o‘ziga xos shakli, shuningdek, ramziy va estetik mazmuni bilan ajralib turadi.

Shohimardon va So‘xga olib o‘tadigan nazorat-o‘tkazish maskanlari kunu tun ish tartibiga o‘tkaziladi

Ushbu chora-tadbirlar fuqarolarning harakatlanishini yana-da erkin va qulay qilish, postlarda yuzaga keladigan tirbandliklarning oldini olish maqsadida joriy etilmoqda.

O‘zbekiston Prezidenti Xitoy bilan ko‘p qirrali hamkorlikni kengaytirish bo‘yicha tashabbuslarni ilgari surdi

Prezident Shavkat Mirziyoye Ostona shahrida "Markaziy Osiyo - Xitoy" ikkinchi sammitida ishtirok etdi. O‘zbekiston yetakchisi ta’kidlaganidek, Xitoy bilan savdo, investitsiyaviy va texnologik hamkorlik Markaziy Osiyoning barcha mamlakatlarini ijtimoiy-iqtisodiy rivojlantirish strategiyalarini amalga oshirishda kuchli lokomotiv bo‘lib xizmat qilmoqda.

Shavkat Mirziyoyev “Ipak yo‘li madaniy merosi” yagona raqamli portalini yaratishni taklif etdi

"U Markaziy Osiyo mamlakatlari va Xitoyning tarixiy-madaniy resurslarini, ulardan tadqiqotchilar, talabalar, sayyohlar va kreativ sanoat vakillarining foydalanishiga imkon bergan holda, birlashtiradi", deya ta'kidladi prezident.

O‘zbekistonda Mountain Bike bo‘yicha Osiyo chempionati bo‘lib o‘tadi

2026 yilgi Mountain Bike ya’ni tog‘ velosporti bo‘yicha qit’a chempionatini o‘tkazish O‘zbekistonga ishonib topshirildi. E’tiborli tomoni, sportning mazkur turi bo‘yicha ushbu musobaqa ilk bor 2026 yilning may oyida Toshkent viloyatining Bo‘stonliq tumanida bo‘lib o‘tadi. Musobaqalar «Green Hills Resort» («SAIPRO GROUP» MCHJ, Oqtosh qishlog‘i. Chimboylik) hududida jahon standartlarga muvofiq maxsus qurilgan olimpik trassada  o‘tkaziladi.