20-sentyabr kuni O‘zbekistonda sodir bo‘lgan muhim voqealar dayjesti

Toshkentda issiqlik va issiq suv tariflari 15 foizga oshiriladi

Xalq deputatlari Toshkent shahri kengashi tomonidan aholi va yuridik shaxslar uchun issiqlik va issiq suv taʼminoti xizmatlari tariflarining 15 foizga oshirilishi maʼqullandi.

Malayziya kompaniyasi O‘zbekistonda dron ishlab chiqarishi mumkin

Qishloq xo‘jaligi vazirligi Malayziyaning robototexnika yechimlari bo‘yicha yetakchi kompaniyasi bo‘lgan "Meraque Group" bilan strategik hamkorlikka doir anglashuv memorandumini imzoladi.

Senat raisi Boysundagi kon avariyasida halok bo‘lganlarning oilalariga hamdardlik bildirdi

Oliy Majlis Senatining 57-yalpi majlisida Tanzila Narbayeva Boysun tumanidagi "Mustaqillikning 25 yilligi" gaz konida qayta yuz bergan avariya oqibatida halok bo‘lganlarning oilalariga hamdardlik bildirdi.

Qoraqalpog‘istonda ona o‘g‘lini maktabda darsda o‘tirgan vaqtida kuch ishlatib olib ketdi

Ushbu vaziyat bolaning kim bilan yashashiga oid qarindoshlar o‘rtasidagi nizo oqibatida yuzaga kelgan bo‘lib, mazkur masala yuzasidan hujjatlar sud tartibida hal qilinishi uchun taqdim etilgan.

Korrupsiyaga oid jinoyatlar oqibatida davlat manfaatlariga zarar yetkazayotgan viloyatlar ochiqlandi

Korrupsiyaga oid jinoyat ishlari bo‘yicha sudlangan shaxslarning aksariyati maktabgacha va maktab ta’limi muassasalari, tijorat banklari, sog‘liqni saqlash tashkilotlari hamda hokimliklar xodimlari ekani ta’kidlandi.

"Sudga ijtimoiy bosimning oldini olish uchun jarayon yopiq o‘tkazilyapti" – Sudyalar oliy kengashi Aziz Voitov ishi haqida

Sudyalar Oliy kengashi masʼuli Tursunali Akbarovning maʼlum qilishicha, taraflar o‘rtasidagi muhokamadan so‘ng ish jarayonida sizib chiqadigan turli maʼlumotlar sud ishiga ijtimoiy bosim paydo qilishi oldini olish uchun sudya jarayonni yopiq tarzda o‘tkazish haqida ajrim chiqargan.

Toshkent supermarketlarida olma arzonlashdi, kartoshka qimmatladi

MHTI mutaxassislari 2024-yilning sentyabr oyida Toshkent shahridagi yirik supermarketlarda 21 nomdagi oziq-ovqat mahsulotlari narxining o‘zgarishini ko‘rib chiqdi.  

Namanganda o‘qituvchilar majburiy mehnatga jalb qilindi

Namangan viloyati maktabgacha va maktab ta’limi boshqarmasi matbuot xizmati ushbu holat yuzasidan munosabat bildirdi.

Aholiga psixologik yordam ko‘rsatish sohasi huquqiy jihatdan tartibga solinmoqda

Qonun bilan psixologiya yo‘nalishidan boshqa oliy maʼlumotga ega bo‘lgan shaxslar xususiy tartibda psixologik yordam ko‘rsatish faoliyati bilan shug‘ullanishdan avval psixologiya mutaxassisligi uchun qayta tayyorlovdan o‘tishi kerakligi belgilanmoqda.

Ilk bor 5 ta partiya barcha deputatlik o‘rinlariga 100 foiz nomzodlar ko‘rsatdi

Milliy saylov tajribamizda ilk marotaba beshta siyosiy partiya tomonidan barcha darajadagi deputatlik o‘rinlariga 100 foiz nomzodlar ko‘rsatildi.

Senatorlar chet el fuqarolari va fuqaroligi bo‘lmagan shaxslarni O‘zbekistonda bo‘lishi nomaqbul deb topuvchi qonunni ma’qulladi

Qonunga ko‘ra, O‘zbekiston suverenitetiga, hududiy yaxlitligiga, xavfsizligiga zid bo’lgan, davlataro milliy, diniy adovatni keltirib chiqaruvchi, o’zbek xalqining sha’nini, qadr-qimmatini yoki tarixini tahqirlovchi ommaviy chiqishlar yoki harakatlar sodir etgan shaxslar mamlakatda bo‘lishi nomaqbul deb topiladi.

Prezident Shavkat Mirziyoyev yangi tayinlangan elchilarning ishonch yorliqlarini qabul qildi

Prezident Vengriya elchisi Yojef Roja, Eron Islom Respublikasi elchisi Muhammadali Iskandariy, Chexiya Respublikasi elchisi Lyubomir Frebort, O‘mon Sultonligi elchisi Vafo al-Busaidiy, Jazoir Xalq Demokratik Respublikasi elchisi Muhammad Irqiydan ishonch yorliqlarini qabul qildi.

Toshkentda BYD katta tezlikda urib yuborgan maktab o‘quvchisi vafot etdi

Mazkur holat yuzasidan jinoyat ishi qo‘zg‘atilgan. Hozirda tergov harakatlari olib borilmoqda.

Qonun bilan skuter, individual harakatlanish vositalari yordamida yo‘l harakatida huquqbuzarlik sodir etganlik uchun javobgarlik belgilanmoqda

Muhokama qilingan qonun orqali amaliyotga kiritilayotgan o‘zgartirishlarga asosan tez tibbiy yordam va yong‘in-qutqaruv bo‘linmalarining transport vositalari tomonidan kechiktirib bo‘lmaydigan xizmat vazifalarini bajarganlikni tasdiqlovchi hujjatlar taqdim etilishi talabi bekor qilinmoqda.

Qonun bilan oilaviy zo‘ravonlikdan himoya qilish choralari kuchaytirilmoqda

Qonun bilan oilaviy zo‘ravonlik bo‘yicha ishlar yuzasidan yarashuv to‘g‘risidagi ariza faqat ishni sudda ko‘rish jarayonida, sud muhokamasining istalgan bosqichida, ammo sud maslahatxonaga kirishidan oldin berilishi mumkinligi belgilanmoqda.

Dashtobod temir yo‘l stansiyasi boshlig‘i pora olgan vaqtida ushlandi

Hozirda unga nisbatan jinoyat ishi qo‘zg‘atilib, qamoq ehtiyot chorasi qo‘llanilgan.