21-aprel kuni O‘zbekistonda sodir bo‘lgan muhim voqealar dayjesti

Prezidentga investitsiya sohasidagi natijalar bo‘yicha axborot berildi

Mutasaddilarga har bir loyiha bo‘yicha manzilli ishlab, barcha vazirlik, hokimlik va tarmoq rahbarlarini jalb qilib, tegishli masalalarni o‘z vaqtida hal etib borish yuzasidan ko‘rsatmalar berildi.

Aholining kundalik hayotida uchraydigan savollariga sodda va qulay javob beradigan onlayn platforma ishga tushiriladi

Sunʼiy intellekt asosida aholining kundalik hayotida uchraydigan savollariga mobil telefon orqali sodda va qulay shaklda javob olish imkoniyatini beradigan onlayn platforma ishga tushiriladi.

Buxoroda IIBning qator mulozimlari ishdan olindi

Ichki ishlar vaziri Aziz Toshpo‘latov Buxoro viloyatida kompleks inspektorlik tekshiruvi natijalari yuzasidan hisobot yig‘ilishi o‘tkazdi.

Bojxona qo‘mitasi bojsiz olib kirish normalari kamaytirilishiga izoh berdi

Qo‘mita O‘zbekistonda bojsiz normalar miqdori xorijiy davlatlarga nisbatan yuqori belgilanganini, fuqarolarning bu normalardan tijorat maqsadida foydalanish hajmi oshganini qayd etdi.

Toshkentdagi bog‘larda giyohvandlikka qarshi kinologiya punktlari ochiladi

Toshkent shahrida 1-oktyabrdan bir yil muddatga sinov tariqasida Botanika bog‘i va 11 ta istirohat bog‘ida kinologiya punktlari ochiladi.

Osiyo chempioni bo‘lgan futbolchilar va murabbiysi unvon va medallar bilan mukofotlanadi

Shavkat Mirziyoyev Saudiya Arabistonida o‘tkazilgan o‘smirlar o‘rtasidagi Osiyo kubogida g‘alaba qozongan O‘zbekiston U-17 terma jamoasini unvon va medallar bilan taqdirladi.

Turkiyadagi o‘zbekistonliklar ogohlantirildi

So‘nggi paytlarda Turkiyada yashash (ikamet izni) va mehnat qilish ruxsatnomalarini (çalı izni) rasmiylashtirish, mamlakatga kirish taqiqini bekor qilish hamda jarimalarni to‘lash bilan bog‘liq firibgarlik holatlari keskin ortmoqda. O‘zbekistonning Istanbul shahridagi bosh konsulxonasi mazkur masalada ogohlantirish bilan chiqdi.

Toshkentda sudya mast holatda avtomobil olib qochgani aytilmoqda

Sudyalar oliy kengashi sudyaning xatti-harakatlari yuzasidan xizmat tekshiruvi o‘tkazilayotganini bildirdi.

Toshkent davlat pedagogika universiteti transformatsiya qilinib, O‘zbekiston milliy pedagogika universiteti tashkil etiladi

Shavkat Mirziyoyev maktab ta’limi sifatini oshirish hamda pedagoglar tayyorlash tizimini takomillashtirishga oid taqdimot bilan tanishdi.

Kasbiy ta'limni rivojlantirish jamg'armasining faoliyati tartibga solindi

Nizom Oliy ta'lim, fan va innovasiyalar vazirligi huzuridagi Kasbiy ta'limni rivojlantirish jamg'armasi mablag'larini shakllantirish va ulardan foydalanish, Jamg'arma faoliyatini boshqarish, uning mablag'larini taqsimlash, hisobi va hisobotini yuritish tartibini belgilaydi.