3-aprel kuni O‘zbekistonda sodir bo‘lgan muhim voqealar dayjesti

O‘zbekiston prezidenti Yevrokomissiya prezidenti bilan uchrashuv o‘tkazdi

O‘zbekiston va YeI o‘rtasidagi o‘zaro manfaatli hamkorlikni yanada kengaytirish istiqbollari yuzasidan fikr almashildi.

“AQShda noqonuniy yashayotgan O‘zbekiston fuqarolariga o‘z ixtiyorlari bilan qaytishni maslahat beraman” — elchi

AQShning O‘zbekistondagi elchisi Jonatan Henik AQShda noqonuniy yashayotgan O‘zbekiston fuqarolariga murojaat qilib, ularni o‘z ixtiyori bilan mamlakatiga qaytishga chaqirdi.

FIFA milliy jamoalarning yangilangan reytingini eʼlon qildi

O‘zbekiston milliy terma jamoasi mart oyi yakuniga ko‘ra FIFA reytingida 57-o‘ringa chiqib oldi.

O‘zbekistonda yuqori daromadga ega fuqarolar uchun alohida soliq tizimi joriy etiladi

"Ularning to‘liq bazasi yaratilib, bu orqali bironta jismoniy shaxs o‘z daromadini soliqdan qochish maqsadida kamaytirish yoki o‘zgartirishga yo‘l qo‘yilmaydigan tizim bo‘ladi", deydi Soliq qo‘mitasi raisining birinchi o‘rinbosari.

O‘zboshimchalik bilan qurilgan imoratlar haqidagi maʼlumotlarni Qurilish vazirligiga yuborish mumkin

O‘zboshimchalik bilan qurilgan bino va inshootlarni aniqlash hamda bartaraf etishda davlat arxitektura nazoratini amalga oshirish tartibi to‘g‘risidagi nizom tasdiqlandi.

Toshkent shahrida Yevropa investitsiya bankining mintaqaviy vakolatxonasi ochilmoqda

Prezident Shavkat Mirziyoyev Samarqand sammiti doirasida mamlakatimizda tashrif bilan bo‘lib turgan Yevropa kengashi Prezidenti Antoniu Koshta va Yevropa komissiyasi Prezidenti Ursula fon der Lyayen bilan uchrashuv o‘tkazdi.

Amerikaning Air Products kompaniyasi O‘zbekistonda yangi loyihalarni rejalashtirmoqda

“Markaziy Osiyo – Yevropa Ittifoqi” sammiti doirasida O‘zbekiston investitsiyalar, sanoat va savdo vaziri Laziz Kudratov “Air Products and Chemicals Inc” kompaniyasi bosh ijrochi direktori Eduardo Menezes bilan uchrashdi.

“Tashabbusli budjet”da 33 ta loyiha qo‘shimcha g‘olib deb topildi

Xalq deputatlari tuman (shahar) Kengashlari tomonidan g‘olib bo‘lmagan navbatdagi loyihalarni moliyalashtirish uchun mahalliy budjetning qo‘shimcha mablag‘lari hisobidan 7,5 mlrd so‘m ajratilib, 33 ta loyiha qo‘shimcha ravishda g‘olib deb topildi.

Shavkat Mirziyoyev Yevropa tiklanish va taraqqiyot banki prezidenti bilan uchrashuv o'tkazdi

Uchrashuvda loyihalarning ijrosi sifatini yaxshilash va samaradorligini oshirish bo‘yicha birgalikdagi ishlar o‘z natijasini berayotgani qayd etildi. Jarayonlarni maqbullashtirish va loyihalarni tayyorlashni tezlashtirish muhimligi ta’kidlandi.

O‘zbekiston diplomlari Germaniyada tan olinishi mumkin

Ikki hukumat vakillari Oʻzbekiston diplomlarining Germaniyada tan olinishi va Oʻzbekiston oliy oʻquv yurtlari va kasb-hunar kollejlarining Germaniya taʼlim vazirligining “ANABIN” axborot bazasiga kiritilishini muhokama qildi.