30-may kuni O‘zbekistonda sodir bo‘lgan muhim voqealar dayjesti

Toshkentda elektrosamokatlar yonib ketdi

Hozirda yong‘in sababi va keltirilgan moddiy zarar aniqlanmoqda.

Toshkent viloyatida sodir bo'lgan YTHda ota va uning farzandi halok bo‘ldi

Toshkent viloyati Angren shahrida 2 kishining hayotiga zomin bo‘lgan dahshatli avariya yuz berdi.

Nurmat Atabekov: Koronavirus bilan bog‘liq epidemiologik vaziyat barqaror. Xavotirlanishga asos yo‘q!

So‘nggi paytlarda baʼzi internet nashrlari va ijtimoiy tarmoqlarda koronavirusning yangi to‘lqini dunyoni qamrab olmoqda, degan mazmundagi xabarlar tarqalmoqda. Xususan, o‘sish surʼatlari NB.1.81 shtammi bilan bog‘liqligi aytilyapti. Xo‘sh, bu qanchalik asosli? Ushbu savolga Sanitariya-epidemiologik osoyishtalik va jamoat salomatligi qo‘mitasi raisining birinchi o‘rinbosari Nurmat Atabekov batafsil javob berdi.

BAAdagi o‘zbekistonliklar milliy jamoa o‘yiniga chipta xarid qilishda muammolarga duch kelishyapti

Holat yuzasidan O'zbekiston Futbol Assotsiatsiyasi izoh berdi. Qayd etilishicha, mezbon tashkilotchilar tomonidan “Al-Nahyan” stadionida o‘zbekistonlik muxlislar uchun 24, 25 va 26-sektorlardan joy ajratilgan bo‘lib, qolgan sektorlarga kirish ko‘zda tutilmagan.

Xorazm va Sirdaryoda firibgarlik: o‘simliklar himoyachisi, muhandis va mahallabay ishlovchi qo‘lga tushdi

Mazkur holat yuzasidan muhandis va bo‘lim boshlig‘iga nisbatan jinoyat ishi qo‘zg‘atilib, tergov harakatlari olib borilmoqda.

Ehtiyojmand oilalardagi xotin-qizlar uchun tavsiyanoma olishga arizalar qabul qilish boshlandi

Bugun, 30-maydan boshlab, ehtiyojmand oilalardagi 2 ming nafar xotin-qizlarga qoʻshimcha qabul koʻrsatkichlari doirasida ajratiladigan tavsiyanomalar berish uchun arizalar qabuli boshlandi.

Farrux Zokirov Rossiyaning “Do’stlik” ordeni bilan taqdirlandi

O‘zbekiston Xalq artisti Farrux Zokirov Rossiya Federatsiyasining “Do’stlik” ordeni bilan taqdirlandi.

Oʻzbekiston va Qatar o'yiniga biletlar faqat oflayn tarzda sotiladi

Avvalgi oʻyinlar tajribasidan kelib chiqib, firibgarlik va chiptalarning qalbakilashtirishning oldini olish maqsadida faqat “Humo Arena”, “Bunyodkor” va “Paxtakor” stadionida oflayn savdo tartibini joriy etadi. Mazkur chiptalar maxsus kodlangan.

Yulduz Usmonovaning Namanganda o‘tkazilgan konsert dasturida ommaviy tartibsizlik yuzaga keldi

Aniqlanishicha, holatga 2664 nafar tomoshabinga mo‘ljallangan amfiteatrda o‘tkazilgan konsertga bilet olgan ayrim fuqarolar farzandlari bilan kelib, boshqa tomoshabinlarning joylarini egallab olgani sabab bo‘lgan. Mazkur holat yuzasidan tergovga qadar tekshiruv harakatlari olib borilmoqda.

O‘zbekiston va Italiya atom sohasida uzoq muddatli hamkorlikni boshlaydi

"O‘zatom" agentligi va Italiyaning Ansaldo Energia S.p.A. kompaniyasi o‘rtasida anglashuv memorandumi imzolandi. Hujjat Italiya kompaniyasining ilg‘or texnologiyalari va tajribasini qo‘llagan holda kadrlar va ilmiy-texnik salohiyatni oshirish, sanoat kooperatsiyasini rivojlantirishga qaratilgan.

“Jar” stadionida san’atkorlar va blogerlar piar uchun janjal chiqardi

Hozirda mazkur holat yuzasidan loyiha tashkilotchilari, ushbu janjalni sahnalashtirganlar va unda ishtirok etganlarning barchasining shaxsi aniqlanib, ularga nisbatan O‘zbekiston Respublikasi Ma’muriy javobgarlik to‘g‘risidagi kodeksning tegishli moddalari bilan ma’muriy bayonnoma rasmiylashtirilib, to‘plangan hujjatlar qonuniy chora ko‘rishlik uchun jinoyat ishlari bo‘yicha Shayxontohur tumani sudiga yuborilgan.

Ichki kiyimlariga taqinchoq yashirib, chegaradan o‘tmoqchi bo‘lgan xorijlik ushlandi

Bildirilishicha, qiymati 75 mln so‘mlik tilladan ishlangan mazkur zargarlik buyumlari vaqtincha saqlovga olingan va holat yuzasidan dastlabki bojxona tekshiruvlari davom etmoqda.

YouTube'dagi monetizatsiya natijasida o‘zbek blogerlari daromadi 50 mln dollarga yetishi mumkin

YouTube monetizatsiyasi 108 ta davlatda yoqilgan bo‘lib, Markaziy Osiyo davlatlaridan faqat Qozog‘istonda mavjud.