31-may kuni O‘zbekistonda sodir bo‘lgan muhim voqealar dayjesti

Bektemir Meliqo‘ziyev amerikalik bokschidan ustun keldi

O‘zbekistonlik Bektemir Meliqo‘ziyev Las-Vegasda o‘tkazilgan boks oqshomida navbatdagi g‘alabasini qo‘lga kiritdi.

Murodjon Ahmadaliyev meksikalik bokschini mag‘lubiyatga uchratdi

Meksikada o‘tkazilgan professional boks kechasida o‘zbekistonlik Murodjon Ahmadaliyev mezbonlar vakili Luis Kastilio bilan jang o‘tkazdi.

Toshkent yerusti metrosida 3 oy davomida rejali profilaktik ishlar amalga oshiriladi

Rejali profilaktik ishlar amalga oshirish uchun 2025-yil 8-iyun sanasidan boshlab ikkita bekat — «Turon (13-bekat) — Qipchoq (14-bekat)» bekatlari oralig‘ida metro poyezdlar harakati to‘xtatiladi. «Qipchoq–Quruvchilar–Qipchoq» metro bekatlari oralig‘ida bepul xizmat ko‘rsatuvchi katta sig‘imli avtobuslar (metrobus) harakati yo‘lga qo‘yiladi.

O‘zbekiston Buyuk Britaniya bilan JSTga a’zo bo‘lish bo‘yicha ikki tomonlama muzokaralarni yakunladi

O‘zbekiston Buyuk Britaniya bilan Jahon savdo tashkilotiga a’zo bo‘lish bo‘yicha ikki tomonlama muzokaralarni yakunladi, deya xabar berdi prezidentning JST masalalari bo‘yicha maxsus vakili Azizbek Urunov.

Farg‘onada sifati kafolatlanmagan 8 mlrd so‘mlik dori vositalari va 400 mln so‘mlik tibbiyot jihozlarining savdoga chiqarilishini oldi olindi

Hozirda mazkur holatlar bo‘yicha tergovga qadar tekshiruv harakatlari olib borilmoqda.

Birinchi o'rinda Xitoy: O‘zbekiston tashqi savdo aylanmasidagi TOP-10 davlatlar nomi e'lon qilindi

2025-yil yanvar-aprel oylarida O‘zbekiston tashqi savdo aylanmasida yuqori ulushga ega bo‘lgan hamkor davlatlar nomi ma'lum bo'ldi.

Toshkentda Amir Temur xiyoboni bo‘ylab otlar paradi tashkil etiladi

1 iyun — Xalqaro bolalarni himoya qilish kuni munosabati bilan shu kuni soat 18:00 da Amir Temur xiyoboni bo‘ylab Toshkent shahri hamda viloyati kuch tuzilmalarining otliq bo‘linmalari ishtirokidagi otlar paradi bo‘lib o‘tadi.

«Harbiy to‘qnashuv ham turgan gap edi» — Abdulaziz Komilov Markaziy Osiyoda 2016 yilgacha bo‘lgan muhit haqida

"2016-2017 yillarda biz qo‘shni davlatlar bilan aloqalar keskinlashib ketganda, shu bitta xavfli nuqtaga taqaldik. Agar mana shu vaziyat o‘sha shaklda davom etganida, harbiy to‘qnashuv ham turgan gap edi. Shuni inobatga olib, Shavkat Mirziyoyev prezidentlikka kelganlarida Markaziy Osiyo tashqi siyosatda bizning ustuvor yo‘nalishimiz bo‘ladi, deb belgiladi", deya ta'kidladi Prezidentning tashqi siyosat masalalari bo‘yicha maxsus vakili.

O‘zbekistonliklarning 39 foizdan ortig‘i avtomobil yo‘llari piyoda uchun xavfli deb hisoblaydi

«Yuksalish» harakati tomonidan aholi o‘rtasida avtomobil yo‘llarida transport vositalari va piyodalarning xavfsiz harakatini ta’minlash, avtomobil yo‘llari va ichki yo‘llar holati bo‘yicha ijtimoiy so‘rov o‘tkazildi.

Surxondaryoda ko‘p qavatli turar joy binolarida 1,5 mlrd so‘mlik tabiiy gazdan noqonuniy foydalanish holati aniqlandi

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.

O‘zbekistonning 4 ta shahrida joylashgan 1034 ta ko‘p qavatli uy rekonstruksiya qilinadi

Qarorga asosan 2026-2030 yillar davomida Andijon, Buxoro, Samarqand va Chirchiq shaharlarida joylashgan 1034 ta ko‘p qavatli uy, jumladan, 53 044 ta xonadonni rekonstruksiya qilish rejalashtirilgan.