Azamat Naimov Oliy taʼlim, fan va innovatsiyalar vazirligining Buxoro viloyati hududiy boshqarmasi boshligʻi etib tayinlandi

Naimov Azamat Hikmatovich Oliy taʼlim, fan va innovatsiyalar vazirligining Buxoro viloyati hududiy boshqarmasi boshligʻi lavozimiga tayinlandi. Bu haqda vazirlik matbuot xizmati xabar qildi.

Tayinlovga qadar u Buxoro viloyati Innovatsion rivojlanish hududiy boshqarmasi boshligʻi lavozimida faoliyat yuritgan.

Azamat Naimov 1993-yil Buxoro viloyatida tugʻilgan. U 2015-yili Buxoro davlat universiteti (bakalavr), 2019-yilda Bank-moliya akademiyasini (magistratura) tugatgan.

2017-2020-yy. Akademik M.Mirzayev nomidagi Bogʻdorchilik, uzumchilik va vinochilik ilmiy-tadqiqot institutida turli lavozimlarda ishlagan, 2019-yil "El-yurt umidi" jamg‘armasi hamda Germaniya Sharqiy qo‘mitasi tomonidan tashkil etilgan dastur doirasida Germaniyaning “Schmitz Cargobull AG” kompaniyasida stajirovka o‘tagan, 2020-2021-yy. Buxoro viloyati Qishloq xoʻjaligi boshqarmasida boshqarma boshligʻi oʻrinbosari sifatida faoliyat yuritgan.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 61306 | Инструменты