Chevrolet Onix'ning avval mavjud bo‘lmagan pozitsiyalari sotuvda paydo bo‘ldi

Avvalroq, UzAutoMotors sotuvda yo'q bo'lgan 5 ta pozitsiyadagi Chevrolet Onix avtomobillarining narxlarini oshirgani haqida xabar qilingandi. 

 Kompaniya ilovasidan narxlari qimmatlashgan pozitsiyalardan uchtasi sotuvda paydo bo‘lganini ko‘rish mumkin.

“Chevrolet.uz” saytidagi yangilangan maʼlumotlarda Onix narxlari 19 foizgacha qimmatlashgani ochiqlangandi. Xususan, saytda Chevrolet Onix 4LT LTZ Turbo AT narxi 199,9 million so‘m (eski narx 185 million so‘m) ko‘rsatilgandi. Ushbu modeldagi avtomobil hozir sotuvda mavjud.

Shu bilan birga, sotuvda narxi qimmatlashgan Chevrolet Onix Premier 1 (211,9 million so‘m), Chevrolet Onix Premier 2 (219,6 million so‘m) avtomobillari ham mavjud.

Narxi oshgan, biroq nisbatan arzonroq pozitsiyalar Onix 1LT MT (oshgan narxi 180,8 million so‘m) va Chevrolet Onix LS MT (oshgan narxi 176,9 million so‘m) sotuvga chiqarilmagan. Kompaniya mazkur beshta pozitsiyadagi avtomobillar narxi oshirilgani bo‘yicha rasmiy izoh bergani yo‘q.
Izohlar: 5
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 43019 | Инструменты