Fazliddin G'oibnazarov qush ovida qatnashib, suratlarni ijtimoiy tarmoqlarga joylagani bo'yicha batafsil ma'lumot berildi
Ijtimoiy tarmoqlarda Rio olimpiadasi g‘olibi Fazliddin G‘oibnazarovning ovda aks etgan video va suratlari tarqaldi. Holat bo'yicha Navoiy viloyati ekologiya boshqarmasi rasmiy ma'lumot berdi.
Qayd etilishicha, 2022-yilning 30-dekabr kuni Toshkent viloyati Bekobod tumani Sirdaryo daryosida fuqaro X.U bir necha qush ovlagan. Ushbu o‘ljalar bilan sportchi Fazliddin Gaibnazarov ham foto va videotasvirga tushganligi o‘z tasdig‘ini topdi.
O‘rganishlar davomida jonzotlarni o'ldirgan fuqaroning ov qilishga tegishli hujjatlari mavjudligi, u ovchilik jamiyatidan ro‘yxatdan o‘tganligi aniqlandi. Biroq, fuqaro bu jarayonda belgilangan meʼyorlarga amal qilmagan, qoidalarini qo‘pol tarzda buzgan va tabiatga zarar yetkazgan.
Ma'lum qilinishicha, MJtKning 90-moddasiga asosan, huquqbuzarga nisbatan jarima va hayvonot olamiga yetkazilgan zarar miqdori hisoblanib, ov qurollari Toshkent viloyati Bo‘ka tumani IIBga belgilangan tartibda topshirilgan.
"Yuqoridagi holat yuzasidan barcha ishtirokchilardan bunday holat boshqa takrorlanmasligi to‘g‘risida tushuntirish xatlari olinib, profilaktik suhbat o‘tkazildi",-deyiladi xabarda.
Eslatib o'tamiz, avvalroq Xorazm Ekologiya boshqarmasi xodimlari o‘rdak ovlagani ma'lum bo'lgandi.
.png "YouTube UZREPORT TV")
