Hafta davomida harorat pasayadi
Avgust oyi boshi uchun juda issiq kelgan dam olish kunlaridan so‘ng, O‘zbekiston hududi bo‘yicha harorat foni biroz pasayadi, deya xabar berdi O‘zgidromet.
Ushbu ish haftasi davomida havo harorati +35…+38 darajadan +32…+35 darajagacha o‘zgarib turadi. Faqat respublikaning eng chekka janubida bugun kunduzi havo harorati +40…+43 daraja, 4–7 avgust kunlari +38…+40 daraja atrofida bo‘ladi.
Bu kunlarda havo biroz bulutli, ba’zi joylarda o‘zgaruvchan bo‘lib, yog‘ingarchilik kutilmaydi. Faqat respublikaning tog‘li hududlarida, shuningdek, 4 avgust kuni Farg‘ona vodiysida ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin.
Toshkent viloyati hamda Farg‘ona vodiysi viloyatlarining tog‘oldi va tog‘li hududlarida sel-suv toshqin hodisalari yuzaga kelishi mumkin.
3–5 avgust kunlari respublikaning ayrim joylarida shamol tezligi 13–18 metr/soniyagacha kuchayishi, ba’zi joylarda chang-to‘zonlar bilan kuzatilishi mumkin.
Toshkent shahrida yog‘ingarchilik kutilmaydi. Havo harorati 3 va 6–7 avgust kunlari +35…+38 daraja, 4–5 avgust kunlari +33…+35 daraja bo‘ladi, kechalari +20…+23 daraja atrofida bo‘ladi.
Shamol sharqdan 3–8 metr/soniya tezlikda esadi, vaqti-vaqti bilan 10–12 metr/soniyagacha, 4 avgustda 12–15 metr/soniyagacha kuchayadi, shaharning ayrim joylarida chang-to‘zonlar bilan kuzatiladi.
.png "YouTube UZREPORT TV")
