Maqsud Isoqov Geologiya fanlari universiteti rektori vazifasini bajaruvchi etib tayinlandi
Maqsud Isoqov Geologiya fanlari universiteti rektori vazifasini bajaruvchi etib tayinlandi
Hukumatning 2022 yil 29 apreldagi qarori bilan Maqsud Uzoqovich Isoqov Geologiya fanlari universitetining rektori vazifasini bajaruvchi etib tayinlandi.
Tayinlovga qadar u universitetning ilmiy ishlar, innovatsiyalar va moliya-iqtisod ishlari bo‘yicha prorektori lavozimida faoliyat yuritgan.
Maqsud Isoqov 1971 yilda Farg‘ona viloyatida tug‘ilgan. 1993 yil Toshkent davlat texnika universitetini tamomlagan. Geologiya-mineralogiya fanlari doktori.
Eslatib o'tamiz, shu paytgacha Geologiya fanlari universitetining rektori lavozimida Bobur Islomov ishlab kelayotgandi.
2020 yil 8 iyun kuni O‘zbekiston prezidentining qaroriga asosan Davlat geologiya va mineral resurslar qo‘mitasi tizimida Geologiya fanlari universiteti tashkil qilingandi.
Unga ko‘ra, universitet Davlat geologiya qo‘mitasi tizimiga qarashli bo‘lib, tog‘-kon sanoati korxonalari va iqtisodiyotning boshqa tarmoqlari uchun geologiya yo‘nalishidagi malakali kadrlar tayyorlash hamda ilmiy-tadqiqot ishlarini bajarish bo‘yicha respublikaning ixtisoslashgan oliy ta’lim va ilmiy-tadqiqot muassasasi hisoblanadi.
Universitetda talabalar O‘zbekiston davlat ta’lim standartlari asosida geologiya va konchilik yo‘nalishidagi yetakchi xorijiy oliy ta’lim muassasalari, shu jumladan, Sankt-Peterburg konchilik universitetining qo‘shma ta’lim dasturlari bo‘yicha, ular bilan erishiladigan kelishuvlarga muvofiq o‘qitiladi.
.jpg "X factor uzbekistan")
.png "YouTube UZREPORT TV")
