O‘zbekistonda umra ziyoratini tashkil etish uchun litsenziya joriy qilinmoqda
O‘zbekistonda umra ziyoratini tashkil etish uchun litsenziya joriy qilinmoqda. Bu haqda O‘zA xabar berdi.
Ma’lum qilinishicha, umra ziyoratini huquqiy jihatdan tartibga solish, ziyoratchilarning haq-huquqlarini ta’minlash maqsadida bunday tadbirni tashkil etish va o‘tkazish uchun litsenziya joriy qilinmoqda.
Oliy Majlis Qonunchilik palatasida “Litsenziyalash, ruxsat berish va xabardor qilish tartib-taomillari to‘g‘risida”gi qonunga o‘zgartirish va qo‘shimchalar kiritish haqida”gi qonun loyihasi muhokama qilindi. Deputatlar mazkur qonun loyihasining zarurligini e’tiborga olib, uni takomillashtirish bo‘yicha partiya pozitsiyasidan kelib chiqqan holda o‘z fikr-mulohazalarini, takliflarini bildirdi.
Qonun tashabbuskorlari berilgan takliflar asosli ekanligini aytib, ular loyihani pishiq-puxta holatga keltirishda inobatga olinishini ma’lum qildi. Qizg‘in muhokamalar, savol-javoblardan so‘ng qonun loyihasi qo‘llab-quvvatlandi.
.jpg "X factor uzbekistan")
.png "YouTube UZREPORT TV")
