7-noyabr kuni O‘zbekistonda sodir bo‘lgan muhim voqealar dayjesti

IIBB internetda firibgarlikning yangi ko‘rinishi avj olgani haqida ogohlantirdi

Shu kunlarda firibgarlar tomonidan telegram messenjeri orqali yuqori lavozimlarda ishlovchi vazirlik, idora va turli xil tashkilotlar rahbar hamda mas’ul xodimlari nomidan soxta profillar yaratilib, qo‘l ostidagi xodimlarni aldash holatlari kuzatilmoqda.

DXX: Qo‘qonda xalqaro terroristik tashkilot tarafdorlari ozodlikdan mahrum etildi

Davlat xavfsizlik xizmati xodimlari tomonidan o‘tkazilgan tezkor-qidiruv tadbirlari davomida Qo‘qon shahrida faoliyat olib borgan “Tavhid va jihod katibasi” xalqaro terroristik tashkiloti tarafdorlaridan iborat jamoat fosh etildi.

O‘zbekistonning 23 ta oliy ta’lim muassasasi Osiyoning eng yaxshi universitetlari reytingidan joy oldi

Shulardan 11 ta OTM o‘z o‘rnini yaxshilagan, 2 ta OTM o‘z o‘rnini saqlab qolgan, 9 ta OTM birinchi marta reytingga kiritilgan va 1 ta OTM o‘z o‘rnini yo‘qotgan.

Raqobat qo‘mitasi O‘zbekistonda propan narxi o‘sishiga cheklov o‘rnatdi

Qo‘mitaning 5-noyabrdagi topshirig‘iga ko‘ra, chorshanba kunidan boshlab suyultirilgan gaz narxining oshishiga sotuvchining boshlang‘ich narxiga nisbatan 20% miqdorida cheklov (spred) joriy etildi.

MB: Aholi tomonidan sezilgan inflyatsiya darajasi o‘tgan oyga nisbatan biroz pasaygan

Markaziy bank tomonidan aholidan o‘tkazilgan so‘rovnomalar natijasiga ko‘ra, oktyabr oyida aholi tomonidan sezilgan inflyatsiya darajasi o‘tgan oyga nisbatan biroz pasayib 13,2 foizni tashkil etdi.

Toshkentdan Issiqko‘lga poyezd 2025-yildan qatnay boshlaydi

Tomonlar 2025-yil yozida “Toshkent-Ribache” yo‘nalishida turistik poyezdlar qatnovini yo‘lga qo‘yishga kelishib oldilar.

Abduqodir Husanov Fransiya chempionatida oyning eng yaxshi yosh futbolchisi deb topildi

Fransiyaning “Lans” klubi himoyachisi, o‘zbekistonlik futbolchi Abduqodir Husanov Fransiya chempionatida oktyabr oyining “Eng yaxshi yosh futbolchisi” deb topildi.

Buxoroda noqonuniy ov natijasida tabiatga 1 mlrd so'mdan ortiq zarar yetkazildi

Qorovulbozor tumani hududida olib borilgan reyd davomida Jondor tumanida yashovchi 4 nafar fuqaro elektr qarmoq yordamida O'zbekiston Qizil kitobiga kiritilganra 20 dona Turkiston mo‘ylovdori hamda 25 dona zog‘o balig‘ini ovlagani aniqlandi.

Xorazmda kiyim-kechak bozorlaridan biri yonib ketdi

Hodisa oqibatida tan jarohati olgan va vafot etganlar yo‘q. Hozirda yong‘in sababi va keltirilgan moddiy zarar miqdori aniqlanmoqda.

Turkiy davlatlar tashkilotiga a’zo mamlakatlar markaziy banklari kengashi tashkil etildi

Kengash TDT markaziy banklarining maslahat-kengash organi vazifasini bajaradi.

O'q otish sport turlari bo'yicha sport musobaqalari tizimli tashkil etib boriladi

Qarorga ko'ra, 2025/2026 o'quv yilidan boshlab O'zbekiston davlat jismoniy tarbiya va sport universitetida “Sport faoliyati: o'q otish va stenddan o'q otish” bakalavriat ta'lim yo'nalishi ochiladi.

Farg‘onada 4 kishi "fast food"dan zaharlandi

Sanepidqo‘mita Farg‘ona viloyati boshqarmasining xabar berishicha, bemorlar shifoxonada shifokorlar tomonidan tibbiy ko‘rikdan o‘tkazilib, “Oshqozon-ichak faoliyatining funksiyasini buzilishi” tashxisi bilan bo‘limga yotqizildi. Bemorlarning umumiy holati qoniqarli.

MIB mansabdor shaxslari 202,9 mlrd so‘mlik ijro ishlarini asossiz ravishda tugatgani aniqlandi

Majburiy ijro byurosining Shayxontohur tuman bo‘limi mansabdor shaxslari 202,9 mlrd so‘mlik 200 ta ijro ishini qonunchilik talablariga zid ravishda asossiz tugatgani aniqlandi.

O‘zbekistonda fuqarolar saqlashi taqiqlangan yovvoyi hayvonlar ro‘yxati tasdiqlandi

Ro‘yxatga kiritilgan yovvoyi hayvonlar Ekologiya, atrof-muhitni muhofaza qilish va iqlim o‘zgarishi vazirligining ruxsatnomalari asosida belgilangan tartibda yuridik shaxslar tomonidan tashkil etilgan hayvonot bog‘larida va pitomniklarda saqlanishi mumkin.

Lyuksemburgning O‘zbekistondagi birinchi elchisi tayinlandi

O‘zbekiston TIV rahbari Baxtiyor Saidov yangi tayinlangan elchi bilan uchrashdi.

Suzish sport turi bo'yicha “Silk Water” xalqaro turniri o'tkaziladi

Zarur sport infratuzilmasi mavjud bo'lgan olimpiya va paralimpiya sport turlariga tayyorlash markazlarida suv polosi va sinxron suzish guruhlari tashkil etiladi.