Qashqadaryoda sevgan yigitini pichoqlagan qizga 3 yil 11 oyga ozodlikni cheklash jazosi tayinlandi
Qashqadaryoda sevgan yigitini pichoqlagan qizga sud hukmi o‘qildi.Maʼlum qilinishicha, qiz va yigit o‘rtasida ishqiy munosabatlar 2019 yildan beri davom etib kelgan. Ikki sevishgan joriy yilning 23 may kuni soat 19:30 atrofida yigitning avtomashinasida uchrashgan.
Uchrashuvda yigit qizga uylana olmasligini, boshqa qizga uylanayotganini, agar ota-onasi rozi bo‘lsa keyinchalik uni 2-xotin qilib olishini aytadi. Shu paytda yigit uyali telefonidan uylanayotgan qizini fotosuratini ko‘rsatadi. Qiz bundan g‘azablanib, mashinada bo‘lgan oshxona pichog‘i bilan jahl ustida yigitga 4 marotaba sanchib oladi.
Yigit olgan tan jarohatlari sabab shifoxonaga yotqizilgan.
Holat yuzasidan sud ishi JIB Qarshi shahar sudida ko‘rib chiqildi.
Sud hukmiga ko‘ra, sudlanuvchi qiz JKning 104-moddasi 2-qismi “l” bandida nazarda tutilgan jinoyatni sodir etganlikda aybdor deb topilib, JKning 57-moddasini qo‘llab, unga nisbatan 3 yil 11 oy muddatga ozodlikni cheklash jazosi tayinlandi.
.jpg "X factor uzbekistan")
.png "YouTube UZREPORT TV")
