Tadqiqot: Har beshinchi o‘zbekistonlik kasbini o‘zgartirib, IT sohasida ishlashni xohlaydi
“HeadHunter O‘zbekiston” tadqiqotiga ko‘ra, ishi bor aholining 41 foizi 2025-yilda ish joyini o‘zgartirishni rejalashtirmoqda. Bu haqda kompaniya tomonidan hh.uz saytida joylashtirilgan ish beruvchilarning vakansiyalari va ish izlovchilarning rezyumelari tahlilida so‘z boradi.
Xodimlar ko‘pincha ish joyini o‘zgartirishni xohlayotgan ishxonalar quyidagilar:
- Transport va logistika - 62%
- Tibbiyot va farmatsevtika - 60%
- Taʼlim - 58%
Ishni almashtirishning asosiy sabablari:
- Mehnatga haq to‘lashning yetarli darajada emasligi (75%)
- Karyerada o‘sish istiqbollarining yo‘qligi (43%)
- Og‘ir mehnat sharoitlari (37%)
So‘rovda qatnashganlarning 15 foizi yaxshiroq sharoit izlab, chet elga ko‘chib ketishni rejalashtirmoqda.
Har beshinchi o‘zbekistonlik kasbini o‘zgartirib, IT sohasida ishlashni xohlaydi. Bu mamlakat ichida raqamli iqtisodiyot mutaxassislariga bo‘lgan talabning o‘sishi va taʼlim dasturlarining qulayligi oshishi bilan bog‘liq.
Yoshlar (18-24 yosh) orasida ish joyini o‘zgartirish istagi eng kuchli: so‘rovda qatnashganlarning 72 foizi yangi imkoniyatlarni izlayotganini aytgan. Bu yosh mutaxassislar ko‘pincha o‘zlarining kasbiy istiqbollarini cheklayotgan tajriba yetishmasligiga duch kelishlari bilan bog‘liq.
.jpg "X factor uzbekistan")
.png "YouTube UZREPORT TV")
