Toshkentda havo sifati yomonlashdi: PM2,5 miqdori me’yordan 2,4 baravar yuqori
11-noyabr soat 09:00 holatiga ko‘ra, poytaxt atmosfera havosidagi PM2,5 zarrachalari miqdori me’yoriy ko‘rsatkichdan ancha yuqori qayd etildi. Mutaxassislar aholiga ehtiyot choralarini ko‘rishni tavsiya qilmoqda.
2025-yil 11-noyabr kuni soat 09:00 holatiga ko‘ra, atmosfera havosi ifloslanishini kuzatuvchi avtomatik monitoring stansiyalari ma’lumotlariga ko‘ra, Toshkent shahrining havosida PM10 mayda dispersli zarrachalar miqdori 189 mkg/m³ ni tashkil etdi. Bu ko‘rsatkich ruxsat etilgan me’yordan (300 mkg/m³) oshmagan.
Biroq PM2,5 zarrachalar miqdori 143 mkg/m³ gacha yetgan bo‘lib, bu ruxsat etilgan me’yordan (60 mkg/m³) 2,4 baravar yuqori ekani qayd etildi.
Mutasaddi idoralar poytaxt aholisi va mehmonlariga ochiq havoda uzoq vaqt bo‘lmaslik, jismoniy faoliyatni cheklash hamda tashqariga chiqqanda himoya niqoblaridan foydalanishni tavsiya etmoqda.
.png "YouTube UZREPORT TV")
