Yaqin kunlarda AI-80 benzini narxi 5500 so‘mgacha tushishi kutilmoqda
Energetika vaziri o‘rinbosari aksiz solig‘i vaqtincha bekor qilingani munosabati bilan benzin narxi pasayganini ma’lum qildi.
AI-80 rusumli benzinga aksiz solig‘ining bekor qilinishi yoqilg‘i quyish shoxobchalarida yoqilg‘i narxining 1000-1200 so‘mga arzonlashishiga olib kelishi kerak. Bu haqda Energetika vaziri o‘rinbosari Sherzod Xo‘jayev ma’lum qildi.
"Bugungi kunda AI-80 benzinining narxi 5500 soʻmgacha tushishi kutilmoqda. Yana shuni taʼkidlash joizki, yoqilgʻi quyish shoxobchalari benzinni birjadagi boshlangʻich narxidan 5 foizga qimmatroq sotishi kerak, shu munosabat bilan yaqin kunlarda yoqilgʻi quyish shoxobchalarida benzin 5500 soʻmdan koʻrishimiz mumkin”, - dedi Xoʻjayev.
Vazirlik vakili narxlarni sun’iy ravishda oshiruvchi yoqilg‘i quyish shoxobchalariga nisbatan qanday choralar ko‘rilishi haqida ham to‘xtalib o‘tdi.
"Benzin narxini sun’iy ravishda oshirgan yoqilg‘i quyish shoxobchalari benzin zaxirasini yo‘qotadi. Bu yoqilg‘i quyish shoxobchalariga yonilg‘i yetkazib berish faqat ulardan kafolat xatlari olganimizdan keyingina, ortiqcha to‘lamaslik va barcha talablarga rioya qilish majburiyati bilan tiklanadi", — dedi Sherzod Xo‘jayev.
Eslatib o'tamiz, bundan oldin Farg‘ona neftni qayta ishlash zavodida benzin va suyultirilgan gaz ishlab chiqarish hajmi oshirilayotgani haqida xabar bergan edik.
.jpg "X factor uzbekistan")
.png "YouTube UZREPORT TV")
