Hasanboy Do‘stmatov ukasiga qarshi ringga chiqishni istamadi
Rossiyaning Xabarovsk shahrida “Konstantin Korotkov” xalqaro xotira turniri bo‘lib o‘tmoqda. Ushbu musobaqada O‘zbekiston terma jamoasi ham ishtirok etmoqda.
Bugungi dasturlar ichida o‘zbekistonlik ikki bokschi — Hasanboy Do‘smatov (-54 kg) hamda Faryozbek Do‘smatov (-54 kg) o‘rtasida chorak final bahsi o‘tishi kerak edi. Ammo Hasanboy ushbu jangga chiqishdan bosh tortdi, sababi u ukasi Faryozbek Do‘stmatovga qarshi jang qilishni istamagan.
Shu tariqa kichik Do‘stmatov musobaqaning yarim final yo‘llanmasiga ega chiqqan. Hasanboy esa musobaqa bilan xayrlashdi.
Ma’lumot uchun, “Konstantin Korotkov” xalqaro xotira turniri 14-20-aprel kunlari bo‘lib o‘tadi. O‘zbekiston sharafini 19 nafar bokschi himoya qilmoqda. Ularning 13 nafar erkaklar bo‘lsa, 6 nafar ayol bokschilar bor.
.png "YouTube UZREPORT TV")
