O‘zbekistonlik og‘ir atletikachi jahon chempioni bo‘ldi
Kecha, 24 sentyabr kuni Ispaniyaning Leon shahrida o‘tayotgan yoshlar orasidagi Jahon chempionatining erkaklar o‘rtasida -89 kg vazn toifasida “A” guruh bahslari bo‘lib o‘tdi.
Ushbu vazn toifasida O‘zbekiston sharafini himoya qilgan Diyorbek Ermatov dast ko‘tarishda 162 kg natija bilan oltin medalga sazovor bo‘ldi. U siltab ko‘tarishda 186 kg (5-o‘rin) va ikkikurashda 348 kg natija qayd etdi (4-o‘rin).
Qayd etish joiz, Diyorbek Ermatov bungacha Jahon chempionatining kumush va bronza medallariga, Osiyo chempionatining oltin medaliga sazovor bo‘lgan.
Ma’lumot uchun, Jahon chempionati bahslari 27-sentyabarga qadar davom etadi. Hozircha Ermatovdan tashqari -59 kg vazn toifasida ayollar o‘rtasida “A” guruhida Nigora Abdullayeva va erkaklar o‘rtasida -73 kg vaznda Husinboy Matrasulov musobaqada sovrindor bo‘ldi.
.png "YouTube UZREPORT TV")
