Samarqandda mukofot jamg‘armasi 50 ming AQSH dollaridan iborat shaxmat turniri o‘tkaziladi
O‘zbekiston shaxmat federatsiyasi O'zbekistonda yana bir yirik shaxmat turniri tashkil etilishi to‘g‘risida xabar berdi.
– Samarqand shahrida ayollar o‘rtasida o‘tkaziladigan umumiy sovrin jamg‘armasi 50 ming AQSH dollaridan iborat “Womenʼs Chess Championship 2025” xalqaro turniriga tayyorgarlik ishlari boshlab yuborildi. Mazkur musobaqalar kelgusi yili qadimiy shaharda bo‘ladigan 46-Butunjahon shaxmat olimpiadasiga tayyorgarlik vazifasini o‘taydi, – deydi O‘zbekiston shaxmat federatsiyasi raisining o‘rinbosari Komil Sindorov.
Joriy yilning 8-19 mart kunlari o‘tadigan “Womenʼs Chess Championship” turniri, nafaqat shaxmat ixlosmandlari, balki global sport, bilim va tenglikni targ‘ib qiluvchi muhim tadbir sifatida Xalqaro shaxmat federatsiyasining kommunikatsiya tizimlari orqali butun dunyoga namoyish etiladi.
Musobaqada ishtirok etadigan shaxmatchi ayollar ro‘yxati joriy yilning 25 fevral kuniga qadar tashkiliy qo‘mita tomonidan shakllantiriladi.
.jpg "X factor uzbekistan")
.png "YouTube UZREPORT TV")
