Huawei 1
AQSh Davlat kotibi Blinken Kiyevdagi tungi klubda qo‘shiq kuyladi

AQSh Davlat kotibi Entoni Blinken Kiyevga tashrifi chog‘ida mahalliy tungi klublardan birining sahnasida musiqachilar bilan birga Nil Yangning “Rockin' in the Free World” qo‘shig‘ini ijro etdi. Bu haqida The Washington Post nashri xabar berdi.

Blinken o‘z nutqi boshlanishidan oldin yig‘ilganlarga murojaat qilib, "og‘ir vaqtlar" davom etayotganini aytgan. Shu bilan birga, u Ukraina harbiylari "aql bovar qilmaydigan azob-uqubatlarni" boshdan kechirayotganini ta’kidlab, Qo‘shma Shtatlar Ukrainani qo‘llab-quvvatlashini yana bir bor takrorlagan.

X ijtimoiy tarmog‘ining ukrainalik foydalanuvchilari ushbu chiqishni olqishlamay, Davlat kotibiga tanqid bilan hujum qilishdi. Sharhlar Ukraina jang maydonida mag‘lubiyatga uchragan va Qo‘shma Shtatlardan yordam kutayotgan bir paytda “Amerika olti oydan beri qurol-yarog‘ va samolyotlar yetkazib berishni to‘sib qo‘ygani” bilan bog‘liq.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga