27-iyun kuni AQShda teledebatlar 50 yil ichida birinchi marta studiyada tomoshabinlarsiz o‘tkaziladi. Ikkala siyosatchi ham hali prezidentlikka rasmiy nomzod emas
AQSh prezidenti Jo Bayden va uning bo‘lajak prezidentlik saylovlarida ehtimoliy raqibi Donald Tramp o‘zlarining ilk teleduel qoidalarini kelishib oldi. 27-iyun kuni boʻlib oʻtadigan 90 daqiqalik teledebat davomida yangi prezidentlik muddati uchun daʼvogarlarga oldindan yozib olingan yozuvlardan foydalanishga ruxsat berilmaydi, ular faqat ruchka va bloknotlar bilan taʼminlanadi, deb xabar berdi teledebatni efirga uzatuvchi CNN, shanba kuni.
Tijoriy tanaffus paytida Bayden va Trampga saylovoldi tashviqoti guruhlari bilan aloqa qilish taqiqlanadi. Da'vogarlardan birining chiqishi vaqtida uning raqibining mikrofoni o'chiriladi. Tadbir 1976-yildan beri birinchi marta studiya auditoriyasisiz o'tkaziladi. Baydenning saylovoldi kampaniyasi shuni talab qilgan, Tramp esa saylov oldidagi "tarang muhit" tufayli ommaviy auditoriyani jalb qilishga chaqirgan.
Moderatorlar Jeyk Tapper va Dana Bash "vaqt chegaralariga rioya qilish va munozara fuqarolik tus olishini ta'minlash uchun barcha vositalardan foydalanadi", deb va'da berdi tarmoq. Televizion duel Jorjiya shtatining Atlanta shahridagi studiyadan translyatsiya qilinadi.
Nomzodlarning ikkinchi debatlari sentabrga belgilangan.
Alpha version: 0.9.1.19 build 62617 | Инструменты