BMT: dunyoda 1,1 mlrd kishi o‘ta qashshoqlikda yashamoqda
Birlashgan Millatlar Tashkiloti tomonidan e’lon qilingan ma’lumotlarga ko‘ra, dunyoda 1,1 milliard odam o‘ta qashshoqlikda yashayapti va ularning deyarli yarmi — 455 million kishi mojaro yoki beqarorlik mavjud mamlakatlarda istiqomat qiladi.
Nashr 17 oktyabr – Xalqaro qashshoqlikka barham berish kuniga bag‘ishlandi, deb xabar bermoqda BMT matbuot xizmati.
Birlashgan Millatlar Tashkilotining Taraqqiyot dasturi (BMTTD) va Oksford universiteti 6,3 milliard aholi istiqomat qiladigan 112 davlatning o‘n yil davomidagi statistik ma’lumotlarini tahlil qildi va 20 ta davlatda qo‘shimcha so‘rov o‘tkazdi.
Ish natijalariga ko‘ra, «ko‘p o‘lchovli» yoki o‘ta qashshoqlik deb ataladigan global indeks bo‘yicha yangilangan hisobot tayyorlandi.
Shu bilan birga, nashr mualliflari mojarolardan jabr ko‘rgan mamlakatlarda ma’lumotlarni yig‘ish muammoli ekanligini ta’kidladilar. Shu sababli, qashshoqlik darajasi past baholanishi va haqiqiy ko‘rsatkichlar yuqori bo‘lishi mumkin. Biroq, mavjud dalillar qashshoqlik va ziddiyat o‘zaro bog‘liqligini ko‘rsatishda davom etmoqda.
.jpg "X factor uzbekistan")
.png "YouTube UZREPORT TV")
