Huawei 2
BMT: G'azoda boshqa boradigan joy qolmadi

G‘azo sektori janubidagi Rafah shahrida 1 milliondan ortiq aholi tasavvur qilib bo‘lmaydigan azob-uqubatlarga duch keldi. G'azoda boshqa boradigan joy yo'q. Bu haqda BMT bosh kotibining gumanitar masalalar bo‘yicha o‘rinbosari va favqulodda vaziyatlarda yordam ko‘rsatish bo‘yicha koordinatori Martin Griffits Isroil armiyasining Rafah hududida o‘tkazishi mumkin bo‘lgan operatsiyasini izohlar ekan, aytib o‘tdi.

Rafahda boshpana olayotgan falastinliklarning uylari vayron qilingan, ko‘chalar minalar bilan to‘ldirilgan, mahallalar bombardimon qilingan. Bir necha oylar davomida tinch aholi bombalar, oziq-ovqat tanqisligi va kasallik sharoitida ko'chib o'tishga majbur bo'ldi, deydi Griffits.

“Ular qayerga borishlari mumkin? Qanday qilib ular xavfsiz qolishlari mumkin? G‘azoda boshqa boradigan joy yo‘q”, — deb yozdi u X ijtimoiy tarmog‘ida.

Griffitsning ta'kidlashicha, Rafahda 1 milliondan ortiq odam aql bovar qilmaydigan azob-uqubatlarga duch kelgan.

Birlashgan Millatlar Tashkiloti vakili eksklavning tinch aholisini himoya qilishga, ularni boshpana, oziq-ovqat va tibbiy xizmatlar bilan ta'minlashga chaqirdi.

Izohlar: 1
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga