Bog‘chada 2 yoshli bola karavotga osilib qolib, vafot etdi
Tojikistonning Dushanbe shahrida joylashgan xususiy bolalar bog‘chalaridan birida 2 yoshli bola karavotga osilib qolib, vafot etdi. Bu haqda mamlakat Ichki ishlar vazirligi xabar berdi.
Ma’lum qilinishicha, ushbu voqea joriy yilning 19 may kuni mahalliy vaqt bilan taxminan soat 13:05 da sodir bo‘lgan. Rasmiylarga ko‘ra, bolalar bog‘chasida tarbiyachi sifatida ishlagan 29 yoshli ayol o‘z vazifasini loqaydlik bilan bajargan. Bola kunduzgi uyqu vaqtida nazoratsiz qoldirilgan va shu paytda 2-qavatdagi karavotdan sirg‘anib ketib, bo‘ynidan panjaraga ilinib qolgan va bola voqea joyida halok bo‘lgan.
Loqaydlikka yo‘l qo‘ygan xodim 2023 yilning may oyidan boshlab mazkur bog‘chada norasmiy tarbiyachi sifatida 120 kun ishlagan. 2024 yil 1 sentyabrdan esa rasmiy ravishda tarbiyachi lavozimiga tayinlangan. 2025 yil aprel oyidan u 3 yoshgacha bo‘lgan bolalar guruhi bilan ishlay boshlagan.
Vazirlikka ko‘ra, ushbu ayolga nisbatan jinoyat ishi qo‘zg‘atilgan va hozirda tergov ishlari davom etmoqda.
.png "YouTube UZREPORT TV")
