Bugun Eronda prezidentlik saylovlarining ikkinchi bosqichi bo‘lib o‘tadi
Ijro hokimiyati rahbari lavozimiga sobiq sog‘liqni saqlash vaziri Masud Pezeshkiyan va respublika rahbarining Milliy xavfsizlik oliy kengashidagi vakili Said Jaliliy da’vogarlik qilmoqda
Juma kuni Eronda muddatidan oldin prezidentlik saylovlarining ikkinchi bosqichi bo‘lib o‘tadi, saylov uchastkalari mahalliy vaqt bilan soat 08:00da ochildi. Mamlakatdagi saylov natijalari barcha ovozlar sanab bo‘lingandan so‘ng 6-iyul kuni ertalab ma’lum bo‘lishi kutilmoqda.
69 yoshli sobiq sog‘liqni saqlash vaziri, islohotchi Masud Pezeshkiyan va Eron rahbarining respublika Milliy xavfsizlik oliy kengashidagi 58 yoshli vakili, konservativ Said Jaliliy prezidentlik uchun kurashadi. 28-iyun kuni bo‘lib o‘tgan birinchi turda Pezeshkiyan va Jaliliy mos ravishda 44 foiz va 40 foiz ovoz olgan. G'alaba qozonish uchun 50% dan ko'proq ovoz olish kerak edi. Saylovchilarning 40 foizi ishtirok etdi, bu islomiy respublikaning 45 yilidagi eng past ko‘rsatkichdir. Saylov byulletenlarining kamida 4 foizi haqiqiy emas deb topildi.
Erondagi siyosatchilar shartli ravishda uchta lagerga bo‘lingan: konservatorlar, islohotchilar va mo‘tadillar. Shu bilan birga, barcha oqimlar vakillari respublika davlat tuzumini, jumladan, islomni mamlakatning rasmiy dini sifatida mustahkamlashni zarur deb hisoblaydilar.
.jpg "X factor uzbekistan")
.png "YouTube UZREPORT TV")
