14 yildan beri hukmronlik qilgan konservatorlar mag'lubiyatga uchradi. So‘rovlar Britaniya tarixida yangi sahifa ochishga va’da bergan Key Starmer boshchiligidagi leyboristlar g‘alabasini bashorat qilmoqda
Buyuk Britaniyada 4-iyul, payshanba kuni parlament quyi palatasi – Jamoatlar palatasiga saylovlar bo‘lib o‘tdi. Barcha so‘rovlar Bosh vazir Rishi Sunak va uning Konservativ partiyasi yirik mag‘lubiyatga uchraganini ko‘rsatmoqda. Natijada, Buyuk Britaniyada 14 yillik konservativ hukmronlik tugaydi.
So'rovlar Key Starmer boshchiligidagi muxolifatdagi Leyboristlar partiyasi uchun shov-shuvli saylovlarda muvaffaqiyat qozonishini bashorat qilmoqda. YouGov so‘roviga ko‘ra, leyboristlar 1832-yildan beri o‘zining eng yaxshi ko‘rsatkichlariga erishib, Jamoatlar palatasida 650 o‘rindan 431 tasini qo‘lga kiritishi mumkin. Ayrim tahlilchilar leyboristlar 484 ta deputatlik o‘rinlarini qo‘lga kiritishi mumkinligini taxmin qilmoqdalar. May oyining oxirida parlament tarqatib yuborilganda, ular 202 mandatga ega edi.
Shu bilan birga, quyi palatadagi konservativlarning mavjudligi 102 o‘ringa qisqartiriladi. "Biz hozir ko'rayotgan narsa Britaniya siyosiy tarixida hech qachon sodir bo'lmagan", dedi YouGov ekspertlaridan biri Sky News bilan suhbatda.
Alpha version: 0.9.1.19 build 70808 | Инструменты