Dunyodagi eng katta dinozavr skeleti sotildi
Fransiya poytaxti Parij shahrida 150 million yillik dinozavr kim oshdi savdosida 6 million yevro (6 million 250 ming 800 dollar)ga sotildi va u dunyo bo‘ylab auksionda sotilgan tarixdagi eng yirik dinozavrga aylandi. Bu haqda “France24” xabar berdi.
Qayd etilishicha, xaridni muzeyga o‘tkazmoqchi bo‘lgan anonim kolleksiyachi sotib olgan.
O‘txo‘r Apatozavrning 22 metr uzunlikdagi skeleti 75-80 foiz asl suyaklardan iborat. U 2018 yilda AQSHning Vayoming shtatida topilgan va qazish ishlari fransuz investorining moliyaviy ko‘magida bo‘lib o‘tgan. Keyin qoldiqlar ikki yillik restavratsiya qilish uchun Fransiyaga yuborilgan.
AQSH g‘arbiy shtati Vayomingdagi qonunchilikka ko‘ra, shaxslarga tarixiy suyaklarni qazib olish uchun ruxsat berilgan.
Ma’lumot uchun, Apotozavr – aldamchi kaltakesak ma’nosini anglatadi. U Shimoliy Amerika hududida yashagan o‘txo‘r dinozavrlar turkumiga kiradi. Tadqiqotchi Charlz Marsh 1877 yilda dinozavrning birinchi turini topgan. Dinozavrning ikkinchi turi esa Villiam Holland tomonidan 1916 yilda kashf etilgan.
.jpg "X factor uzbekistan")
.png "YouTube UZREPORT TV")
