Emomali Rahmon Moskvadagi terakt yuzasidan Tojikiston xalqiga murojaat qildi.
"Moskva yaqinida sodir etilgan terror harakati bizni bolalarimiz tarbiyasi va ta’limiga jiddiy e’tibor qaratishga chaqiradi", - dedi Tojikiston Prezidenti Emomali Rahmon Navro‘z bayramiga bag‘ishlangan tantanali tadbir ishtirokchilari qarshisida so‘zga chiqqanda.
Tojikiston rahbari farzand tarbiyasi masalasini ko‘tardi.
"Bu sharmandali va dahshatli hodisa barchamizni, ayniqsa ota-onalarni yana bir bor bola tarbiyasiga o‘ta jiddiy e’tibor qaratishga chaqiradi. Biz o‘smir-yoshlarni xavfli guruhlar ta’siridan ehtiyot qilib, farzandlarimiz tojik millatiga, suveren davlatimizga, o‘z ota-onalari nomiga dog‘ tushirishiga yo‘l qo‘ymasligimiz kerak", dedi prezident.