Fox News: Tramp darhol Putin bilan uchrashish istagini bildirdi
Shuningdek, Ukraina prezidenti Vladimir Zelenskiy Trampga mojaroga barham berish bo‘yicha kelishuv tuzishga tayyorligini aytganini ma'lum qildi.
Amerika prezidenti Donald Tramp Rossiya yetakchisi Vladimir Putin bilan “zudlik bilan” uchrashish istagi borligini ma’lum qildi. Bu haqda Fox News xabar berdi.
Telekanal shuningdek, Ukraina prezidenti Vladimir Zelenskiy Trampga mojaroga barham berish bo‘yicha kelishuv tuzishga tayyorligini aytganini ma'lum qildi.
AQSh prezidenti, shuningdek, Putin u bilan uchrashishga tayyorligi haqida signallar olayotganini aytdi.
Amerika prezidenti 23-yanvar kuni Davosdagi forumdagi video nutqida xuddi shunday bayonot bilan chiqqan edi. Uning so‘zlariga ko‘ra, mojaroni hal qilish bo‘yicha harakatlar allaqachon boshlangan, shuningdek, Ukraina kelishuvga erishishga tayyorligini ma’lum qilgan. AQSh prezidenti rossiyalik hamkasbi bilan uchrashish va Xitoyni tinchlikka erishishga jalb etish istagi haqida ham gapirdi.
Bir kun avval respublikachi Rossiya Ukraina bo‘yicha kelishuvga rozi bo‘lmasa, unga nisbatan yuqori tariflar va sanksiyalar joriy etishga va’da bergan edi. Kreml Trampning tahdidlari yangilik emasligini va Rossiya “teng va oʻzaro hurmatga asoslangan muloqotga” tayyorligini aytdi.
Maqola muallifi: I. Farhodova
.jpg "X factor uzbekistan")
.png "YouTube UZREPORT TV")
