Germaniya va Britaniya mudofaa shartnomasini imzoladi

Germaniya va Buyuk Britaniya mudofaa sohasidagi hamkorlikni mustahkamlash bo‘yicha kelishuvga erishdi. Londonga ilk rasmiy tashrif bilan kelgan Germaniya mudofaa vaziri Boris Pistorius va uning britaniyalik hamkasbi Jon Xili hujjatni 23 oktyabr, chorshanba kuni imzoladi.

Trinity House Agreement kelishuvi, birinchi navbatda, «Yevropada katta xavfsizlikka» xizmat qiladi hamda London va Berlinga Rossiya tomonidan olib borilayotgan «ajralish va vayron qilish» siyosatiga qarshi birlashishga imkon beradi. Bu haqda Germaniya Mudofaa vazirligi rahbari kelishuv imzolanganidan keyin o‘tkazilgan matbuot anjumanida ma’lum qildi. «Biz boshqacha narsani taklif qilamiz: birdamlik va ishonch», — deya qo‘shimcha qildi nemis vaziri.

Buyuk Britaniya mudofaa vaziri Jon Xili kelishuvni «muhim nuqta» deb atadi. Uning so‘zlariga ko‘ra, ushbu kelishuv sanoat va Germaniya qurolli kuchlari – Bundesver bilan «ilgari erishib bo‘lmagan miqyosda» hamkorlik qilishni nazarda tutadi.

Havo, quruqlik, dengiz va kibernetikada qo‘shma loyihalar

Dpa agentligining xabar berishicha, Germaniya Mudofaa vazirligi rahbari Boris Pistorius va uning britaniyalik hamkasbi Jon Xili hujjatni 23 oktyabrdayoq imzolashi mumkin.

«Havo, quruqlik, dengiz va kibernetikadagi loyihalar orqali biz birgalikda mudofaa salohiyatimizni oshiramiz va shu orqali NATOning Yevropa tomonini mustahkamlaymiz», dedi Pistorius. Ukrainadagi urush «Yevropa xavfsizligini oddiy qabul qilmasligimiz kerakligini» ko‘rsatdi», deya qo‘shimcha qildi u.

Hujjat London va Berlinning alyans sharqiy qanotida mashg‘ulotlar o‘tkazish qobiliyatini kuchaytirishi, Rossiyaning Ukrainadagi urushi munosabati bilan tiyib turish imkoniyatlarini oshirishi kutilmoqda.