Istanbul politsiyasi muxolifat partiyasi qarorgohini o‘rab oldi

Turkiyaning eng yirik muxolifat partiyasi – Respublika Xalq partiyasi (CHP) tarafdorlari mahalliy partiya rahbariyatining ag‘darilishiga qarshi Istanbulda namoyish o‘tkazgach, politsiya Istanbulning Sariyer tumanidagi partiya qarorgohi atrofida butun bir hududni o‘rab oldi. Shunga qaramay, 7-sentabr, yakshanba kuni u yerda to‘plangan namoyishchilar barrikadalarni buzib o‘tishga harakat qilishdi, deb xabar berdi Halk TV. Prezident Rajab Toyyib Erdo‘g‘an tomonidan tayinlangan Istanbul gubernatori bir necha tumanlarda namoyishlar o‘tkazishni uch kunga taqiqladi.

CHP rahbari O'zg'ur O'zel o'z tarafdorlarini o'rab olinganiga qaramay partiya qarorgohi tomon yurishga chaqirdi. “Kim Respublika Xalq partiyasini himoya qilsa, u respublikani himoya qilgan bo‘ladi”, — deya uning so‘zlarini keltiradi dpa.

CHPga bosim bir necha oydan beri davom etmoqda; partiya Turkiya hukumati unga qarshi siyosiy kampaniya olib bormoqda, deb hisoblaydi. Oxirgi tartibsizliklarga 2-sentabrdagi sud qarori sabab bo‘lgan, unda ikki yil avval partiya qurultoyida sodir etilgan qoidabuzarliklar tufayli Istanbul CHP rahbariyati to‘liq ishdan bo‘shatilib, vaqtinchalik boshqaruvchi tayinlangan.

CHP 8-sentabr, dushanba kuni partiyaning Istanbul viloyati shtab-kvartirasida menejer va uning jamoasini ishga kirishishiga to‘sqinlik qilish maqsadida norozilik namoyishlari o‘tkazmoqda.

Sud majlisi 15-sentabrga belgilangan, unda partiya yetakchisi O‘zg‘ur O‘zelning o‘zi ham lavozimidan chetlatilishi kutilmoqda.