AQSh noimmigratsion vizalar berish tartibini kuchaytirdi
Yangi qoidalarga ko‘ra, Rossiya fuqarolari AQShga turistik viza olish uchun faqat Ostona va Varshavada, Belarus fuqarolari Varshava va Vilnyusda, ukrainaliklar esa Varshava va Krakovda murojaat qilishlari mumkin bo‘ladi.
AQSh hukumati xorijliklarga noimmigratsion vizalar, jumladan B1/B2 turistik vizalar berish qoidalarini kuchaytirdi. Davlat departamenti 6-sentabr, shanba kuni e’lon qilgan buyruqqa ko‘ra, endi ularga faqat fuqaroligi yoki doimiy yashash joyidagi mamlakatda murojaat qilish mumkin bo‘ladi.
Shu bilan birga, bunday vizalar berilishi to‘xtatilgan 17 davlat fuqarolari uchun ariza topshirishlari mumkin bo‘lgan ayrim elchixonalar va konsulliklar belgilangan. Shunday qilib, ruslar buni faqat AQShning Ostona va Varshavadagi elchixonalarida, Belarus fuqarolari - Varshava yoki Vilnyusda, ukrainaliklar - Varshava va Krakovda qilishlari mumkin.
Shu paytgacha istalgan davlatda suhbatdan o‘tish va ushbu turdagi viza olish uchun ariza topshirish mumkin edi. Rejalashtirilgan suhbatlar uchun uchrashuvlar o'z kuchini saqlab qoladi.
Yangi qoidalar A, G, C-2, C-3, NATO vizalari, har qanday turdagi diplomatik va xizmat vizalari yoki BMT Bosh qarorgohi kelishuvi doirasida sayohat qilish bilan bog‘liq vizalarga taalluqli emas. Davlat departamenti bayonotida qayd etilishicha, istisnolar kamdan-kam hollarda gumanitar, tibbiy yoki tashqi siyosiy sabablarga ko'ra amalga oshirilishi mumkin.
.png "YouTube UZREPORT TV")
