Orban: AQSh-Rossiya tinchlik sammitiga tayyorgarlik qizg‘in davom etmoqda

Vengriya AQSh prezidenti Donald Tramp va Rossiya prezidenti Vladimir Putin o‘rtasida tinchlik sammiti doirasida bo‘lajak uchrashuvga tayyorgarlik ko‘rmoqda, deya ma’lum qildi 17-oktabr, juma kuni Vengriya bosh vaziri Viktor Orban.“Men hozirgina prezident Tramp bilan telefonda gaplashdim. AQSh-Rossiya tinchlik sammitiga tayyorgarlik qizg‘in davom etmoqda. Vengriya – tinchlik oroli!” u ijtimoiy tarmoqda yozgan.

Bir necha soat oldin Orban Prezident Tramp va Putinning Budapeshtda o'tkazilishi e'lon qilingan uchrashuviga izoh berdi. "AQSh va Rossiya prezidentlarining rejalashtirilgan uchrashuvi butun dunyodagi tinchliksevar davlatlar uchun ajoyib yangilik. Biz tayyormiz!" deb yozdi u Facebook’dagi postida.

AQSh va Rossiya prezidentlari Vengriyada uchrashmoqchi.

16-oktabr oqshomida Tramp Ukraina prezidenti Vladimir Zelenskiyning AQShga tashrifidan 24 soat oldin Putin bilan ikki soatlik telefon orqali muloqot qildi. Suhbatdan so‘ng Tramp Putin bilan Budapeshtda uchrashishga rozi bo‘lganini ma’lum qildi. Ushbu uchrashuv vaqti noma'lumligicha qolmoqda: kelasi hafta AQSh va Rossiya yuqori martabali rasmiylarining uchrashuvi uchun yetakchilar o'rtasida yangi uchrashuv rejalashtirilgan.

Rossiya prezidenti yordamchisi Yuriy Ushakovning soʻzlariga koʻra, Putin suhbat chogʻida Trampga Rossiya jang maydonida “strategik tashabbusni qoʻlga kiritayotgani”, uzoq masofaga uchuvchi “Tomagavk” raketalarining Ukrainaga uzatilishi “vaziyatni oʻzgartirmasligini, balki Rossiya va AQSh oʻrtasidagi munosabatlarga putur yetkazishi”ni aytgan. Ushakov, shuningdek, Putin va Tramp o‘rtasidagi suhbat Kreml tashabbusi bilan bo‘lib o‘tganini ma’lum qildi.