Ostona nufuzli mashvaratga mezbonlik qiladi
Global muammolar muhokamasiga bag‘ishlangan Ostona xalqaro forumi joriy yil 29-30 may kunlari o‘tkaziladi. Bu haqda forum tashkiliy qo‘mitasi ma’lum qildi.
2024 yil 13-14 iyun kunlari o‘tishi rejalashtirilgan Ostona xalqaro forumi Qozog‘istonda aprel oyida ro‘y bergan suv toshqinlari ortidan keyinroqqa qoldirilgandi.
“Geosiyosiy dolg‘alar va iqtisodiy muammolardan tortib pandemiya, zo‘ravonlik, ekstremizmning qayta bosh ko‘tarishiga qadar – har bir muammo yangi javob, yangi kurash va birgalikda ishlab chiqilgan yechimni talab qilmoqda. Ostona xalqaro forumi ayni shu inonch-e’tiqodga tayanadi. Mavhumlik va ishonchsizlik avj olgan vaziyatda forum dunyo yetakchilari, mufakkirlar va turli soha namoyandalariga bir davraga jam bo‘lgan holda istiqbol yo‘lini belgilash imkonini taklif etadi”, – degan Qozog‘iston prezidenti Qosim-Jo‘mart To‘qayev.
Forumda xalqaro xavfsizlik, barqaror taraqqiyot, iqtisodiyot, energetika va iqlim o‘zgarishiga doir dolzarb masalalar muhokama qilinadi.
Dunyoda qutblashuv va geosiyosiy ixtiloflar kuchaygan bir davrda Qozog‘iston Ostona xalqaro forumini global muammolarni hal etish uchun yangi muloqot maydoni sifatida taklif etmoqda.
.jpg "X factor uzbekistan")
.png "YouTube UZREPORT TV")
