Armaniston bosh vaziri Nikol Pashinyan mamlakatda yangi konstitutsiya qabul qilish zarurligini bildirdi. Bu haqda Armaniston Vazirlar Mahkamasi rahbarining Konstitutsiya kuni munosabati bilan qilgan murojaatida aytiladi.
“Mamlakatimizga yangi konstitutsiya kerak. Hozir esa men yangi matn haqida emas, balki uni yaratish va qabul qilishning yangi usuli haqida gapiryapman”, — dedi bosh vazir.
Uning so'zlariga ko'ra, hozirda bu Armaniston uchun "asosiy muammo".
Bundan avval Ozarbayjon tashqi ishlar vaziri Jeyhun Bayramov Yerevanning Bokuga hududiy daʼvolari tinchlik shartnomasini tuzishga toʻsqinlik qilayotganini taʼkidlagan edi.
Bayramov, Armaniston konstitutsiyasida Ozarbayjon suvereniteti da'volari tomonlar o'rtasida tinch yo'l bilan yechim topishga to'sqinlik qilayotganiga e'tibor qaratdi.
Alpha version: 0.9.1.19 build 70816 | Инструменты