Shimoliy Koreyaga qochgan Trevis King hukm chiqarilganidan keyin ozodlikka chiqdi
O‘tgan yili Shimoliy Koreyaga qochib ketgan AQSh armiyasining ikkinchi darajali oddiy askari Trevis King o‘z aybini - dezertirlik va yana to‘rtta ayblovni tan oldi. U 12 oylik qamoq jazosiga hukm qilindi. Qamoqda o'tgan vaqtni hisobga olib, Trevis King ozod qilindi.
Kutilganidek, Travis King 14 ta ayblovdan 5 tasi bo‘yicha aybini tan oldi: dezertirlik, ofitserga hujum qilish va buyruqqa bo‘ysunmaslikda uchta ayblov. Qolgan ayblovlar, jumladan, bolalar pornografiyasini yaratishga undash va unga egalik qilish shartnoma shartlariga ko'ra olib tashlandi, deb xabar beradi AFP.
Prokuror Franklin Rozenblatt, boshqa narsalar qatori, Trevis King hayoti davomida "muhim qiyinchiliklarga duch kelgan", jumladan, og'ir bolalik, "jinoyatchilikka aloqadorlik va ruhiy salomatlik muammolari" ni aytdi.
Trevis King o‘tgan iyul oyida Shimoliy va Janubiy Koreyani ajratib turuvchi demarkatsiya chizig‘ini kesib o‘tib, Shimoliy Koreyaga qochib ketgan edi. U Janubiy Koreyadagi Amerika harbiy bazalaridan birida xizmat qilgan va u yerda bir necha marta intizomiy jazoga tortilgan. Harbiy xizmatchi keyingi jarayonlar uchun AQShga yuborilishi kerak edi.
U qochib ketganidan so'ng, Amerika hukumati Shvetsiya vositachiligida uning qaytishi uchun muzokaralarni boshladi. KXDR rasmiylari uni sentabr oyi oxirida AQShga ekstraditsiya qilishga rozi bo‘ldi. Unga oktyabr oyida ayblov qo'yilgan edi.
.png "YouTube UZREPORT TV")
