Sony компанияси фойдаланувчиларга қарийб 8 млрд доллар товон пули тўлаши мумкин
Лондон суди “Sony” компаниясига нисбатан “PlayStation” дўконидаги ўйинлар нархини ошириб юборганлиги ҳақидаги жамоавий даъвони кўриб чиқишга рози бўлди, деб ёзади “Reuters” нашри.
Қайд этилишича, фойдаланувчилар компаниядан $7,9 млрд миқдорида товон пули талаб қилмоқда.
2022-йилда Буюк Британиянинг қарийб 9 млн аҳолиси “Sony” компаниясини “PlayStation” дўкони орқали ўйинларни юқори нархларда сотишда айблаб, судга мурожаат қилди.
Истеъмолчилар ҳуқуқлари ҳимоячиси Алекс Нил фойдаланувчилар номидан сўзга чиқди ва $6,23 млрд ва фоизлар талаб қилди.
Унинг сўзларига кўра, компания рақамли ўйинлар ва қўшимча контентни фақат “PlayStation” дўкони орқали сотишни талаб қилган, бу эса ишлаб чиқувчилар ва ноширлардан 30% комиссия олади.
“Sony” адвокатларининг таъкидлашича, бу иш бошидан охиригача ўйлаб топилган ва уни ёпиш керак. Аммо суд қарорига биноан иш давом этади.
Бироқ, 2022-йилда даъво аризасини топширгандан сўнг “PlayStation"да харид қилган одамлар судда иштирок эта олмайди. Шу сабабли, ишни илгари суришда даъвогарлар етарли бўлмаслиги мумкин.
.jpg "X factor uzbekistan")
.png "YouTube UZREPORT TV")
