SpaceX raketasi Starlink Internet sun’iy yo‘ldoshlarining yana bir guruhini orbitaga olib chiqdi
31-dekabr kuni Falcon 9 raketasi Starlink tizimining global Internet qamrov tarmog‘ining orbital turkumini to‘ldirish uchun 21 ta mini-sun’iy yo‘ldoshlar partiyasini orbitaga muvaffaqiyatli olib chiqdi.
Bu haqda SpaceX kompaniyasining ijtimoiy tarmoqdagi sahifasida xabar berildi.
“21 ta Starlink sun’iy yo‘ldoshi orbitaga olib chiqilganini tasdiqlaymiz”, deyiladi xabarda.
Raketa Florida shtatidagi Kennedi nomidagi koinot markazidan uchirildi. Taxminan bir soat o‘tgach, sun’iy yo‘ldoshlar tashuvchi raketadan ajralib, orbitaga chiqishdi.
Shundan so‘ng raketa Atlantika okeanidagi Just Read the Instructions platformasiga boshqariladigan vertikal qo‘nishni amalga oshirdi.
E’tiborli tomoni, mazkur tashuvchi raketa 16-marta muvaffaqiyatli tarzda uchish va qo‘nishni amalga oshirdi.
CelesTrak notijorat sun’iy yo‘ldosh kuzatuv kompaniyasi ma’lumotlariga ko‘ra, ayni paytda past Yer orbitasida 6400 ga yaqin faol Starlink sun’iy yo‘ldoshlari mavjud bo‘lib, ular barcha faol sun’iy yo‘ldoshlarning 62 foizdan ortig‘ini tashkil qiladi.
.jpg "X factor uzbekistan")
.png "YouTube UZREPORT TV")
