Huawei 2
Tayvanda 25 yil ichidagi eng kuchli zilzila sodir bo‘ldi

Tayvan yaqinida 7,5 va 6,6 magnitudali ikkita zilzila va 5,4 ballgacha bo‘lgan to‘rtta zilzila qayd etildi.

Zilzila episentri, AQSh Geologiya xizmati ma’lumotlariga ko‘ra, Tayvanning Xualyan shahridan 18 km janubda joylashgan. Seysmologlarning fikricha, bu Tayvanda so‘nggi 25 yil ichida sodir bo‘lgan eng kuchli zilziladir.

Yaponiyaning janubi-g‘arbiy sohillarida balandligi uch metrgacha bo‘lgan sunami to‘lqinlari kutilmoqda, deb xabar berdi Yaponiya meteorologiya agentligi.

Filippin uchun ham sunami haqida ogohlantirish e’lon qilindi.

Xitoy davlat matbuoti zilzila mamlakat janubi-sharqidagi materik Futszyan provinsiyasida ham sezilganini xabar qildi.

"Zilzila quruqlikka yaqin joyda, sayoz chuqurlikda boshlandi. Bu butun Tayvan va qo‘shni orollarda sezildi. Bu - so‘nggi 25 yildagi eng kuchlisi", — dedi Taybeĭ seysmologiya markazi rahbari U Chien Fu. 

Tayvan ommaviy axborot vositalari binolar qulab tushayotgani, odamlar maktablar va uylardan evakuatsiya qilinayotganini ko‘rsatmoqda. 

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga