TikTok maʼlumotlarni Xitoy bilan baham ko‘rayotgan bo‘lishi mumkin – Irlandiya komissiyasi
Irlandiyaning maʼlumotlarni himoya qilish bo‘yicha komissiyasi Xitoyning ByteDance kompaniyasini (TikTok egasi) Yevropa Ittifoqining shaxsiy maʼlumotlar qoidalarini buzgani uchun 530 million yevro miqdorida jarimaga tortdi.
Reuters xabariga ko‘ra, ByteDance xitoylik xodimlarning Yevropa Ittifoqi foydalanuvchilari maʼlumotlariga kirishini cheklaganini isbotlay olmagan. Yevropa qonunchiligiga ko‘ra esa maʼlumotlar mintaqada saqlanishi lozim.
Kompaniyaga olti oy ichida maʼlumotlarni qayta ishlashni Yevropa Ittifoqi qonunlariga muvofiqlashtirish buyurildi.
ByteDance vakillari qarorga qarshi chiqish niyatida. Ularning taʼkidlashicha, qarorda 2023 yilda joriy qilingan xavfsizlik choralari hisobga olinmagan.
Kompaniya tushuntirganidek, Yevropa Ittifoqi foydalanuvchilari maʼlumotlari Yevropa va Qo‘shma Shtatlardagi maxsus maʼlumotlar markazlarida saqlanadi va ByteDance hech qachon Xitoy rasmiylaridan ushbu maʼlumotlarga kirish uchun so‘rov olmagan.
.png "YouTube UZREPORT TV")
